Rain water harvesting system ipalakip

PLANO karon sa konseho sa dakbayan nga magmugna og ordinansa kalabot na sa pagbutang og rain water harvesting system aron nga matigom ang tubig sa ulan.

Gibutyag ni Konsehal Teudolfo Lao, nga dako kining tabang aron nga makatigom og tubig pinaagi sa pagbutang og dako nga reservoir ug magamit diha sa pagpanglimpyo, ipangbubo sa mga tanom ug uban pa.

Gidugang pa niini nga sagad sa mga lugar sa upstream o taas nga bahin ning siyudad wala kaayo tubig.

“Magbutang ta og rain water harvesting system kay kasagara sa mga upstream areas wala kaayo tubig so ngano dili gamiton ang tubig sa ulan diba?” matud ni Lao.

Suportado usab kini sa tsirman sa komitiba sa subdivision and landed estate pinaagi ni Konsehal Edgar Cabanlas ug buot niini nga ilakip sa ordinansa diha sa pag-amendar sa nagmugna sa City Housing and Urban Development Department (CHUDD) nga ang mga developer diha sa paggama og bag-ong mga balay duna nay catch basin alang sa tubig sa ulan.

“Kaning rain water tigumon nato, i-require nato ang mga balay nga pagatukuron sa mga developer nga naay catch basin sa rain water,” matud ni Cabanlas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph