GIKATAKDANG pasakaan og kaso ang tag-iya sa junkshop diin nakuha ang 26 ka galon nga diesel atol sa road clearing operation sa national highway sa Barangay Tablon, dakbayan sa Cagayan de Oro.
Gibutyag ni Police Captain Eddie Akut, hepe sa Police Station 10 (PS10) sa Cugman, nga ila na nga ipasaka ang kaso nga PD 1865 o illegal trading of petroleum products.
Matud ni Akut
nga padayon pa ang ilang imbestigasiyon labi na nga menor de edad ra nga care taker ang naatlan atol sa operasiyon.
“Ang kato ra nadakpan nato 17 years old ang care taker nga atong nadakpan, mura man gi-briefing daan wala kuno siya kaila,” matud ni Akut.
Samtang gibutyag ni Antonio Resma Jr., focal person sa composite team nga posibleng ilegal kini nga gipalit ug gibaligya.
“Yes most probably illegal ga baligya or bawal man gihapon mag storage og flammable, and sa dili authorized na containers,” dugang niini.
Sa pagsulat niini nga balita, gidala na sa buhatan sa kapulisan ang maong mga ginalon nga diesel.