GIPANGITA pa karon sa kapulisan ang duha ka mga nahibilin nga mga suspetsado sa nahitabong shootout sa checkpoint sa Poblacion, Libertad, Misamis Oriental nga ningkalas og duha ka kinabuhi.
Niadtong adlaw’ng Miyerkules, Pebrero 19, usa na usab ang nadakpan sa kapulisan.
Identipikasyon gitago usa samtang padayon ang pagpangita sa laing duha ka mga kauban niini nga gilaumang anaa lamang sa palibot.
Kining suspek giingong nasapon sa kapulisan nga naglung-ag ilawom sa spillway human dunay residente nakasulti nga nanugo kini og papalit og bugas.
Kahinumduman nga dead on the spot ang ilang isa ka kauban nga si Jephone Fabriga Tinamisan, 33, taga Purok5, Bañadero, Ozamis City, samtang nasikop sa gilusad nga hot pursuit operation ang laing kauban nga si giilang si Richard Son Perez, 31, residente sa Bangkal, Mahayahay, Cebu City ug kasamtangang nagpuyo sa Barra, lungsod sa Opol, Misamis Oriental.
Ang maong engkwentro gikamatay sab ni PSSG Ronald Caayupan ug pagkasamdan ni PCMS Fernando Maestrado.