SUPERBALITA CAGAYAN DE ORO

Priso gipa-budots nga hubo

NAG-VIRAL sa social media ang usa ka video diin gipasayaw-sayaw ang usa ka priso nga hubo sulod sa Misamis Oriental Provincial Jail (MOPJ).

Ang priso nga gipasayaw og “budots” ang giingong suspek pagpatay ug pagpanglugos sa usa ka dalaga niadtong niaging mga semana sa lungsod sa Tagoloan, Misamis Oriental.

Gipasa-pasa diha sa messenger sa Facebook ang maong video nga gidudahang ang kauban ra usab nga priso maoy responsable niini. Gikwestyon ang pamunoan sulod sa jail nganong nakasulod ang cellphone sa prisuhan nga hugot man kining gidili nga butang sa sulod.

Ang insidente giingong gikadismaya ni Misamis Oriental Governor Bambi Emano diin ang MOPJ sakop sa pagdumala sa kagamhanan Probinsyal.

Matud ni Carlo Duga-duga ang Provincial Information Officer nga buot ni Emano nga paimbestigahan ang pamunuan sa prisohan.

Dugang niini nga bisan pa sa kasaypanan sa maong priso ug nabuhat nga salaod dili makatarunganon nga mabiktima kini sa bullying sa sulod sa prisuhan.

“Gusto sa gobernador nga makaangkon sa hustisya ang tanang agrabyado, samtang pahamtangan sa silot ang angayan,” butyag niini.

Sa iyang bahin ni MOPJ Jail Warden Dominador Tagarda niangkon nga nakahatag kaulawon sa pamunoan ang maong hitabo.

Sa pagsulat ning balita tulo ka priso ang gibartolina na.

“Kay gibawal mana dinhi ang pagpangulata...tungod sa kasuko, gipasayaw-sayaw nalang nila. Gikasubo nato nga mismo nga panghitabo naghatag nig kaulawon sa atong bilanggoan kay kita nagpatuman kita dinhi sa religious program kong diin makahatag sa ila ug kabag-ohan sa ilang kinabuhi,” matud ni Tagarda.

Nagpaabot sab si Tagarda sa publiko nga dili lang una hukman ang iyang pamunuan tungod sa hitabo ug nihangyo sab nga dili na lamang ipasa pa o ipakalat ang nadawat nga video.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph