SUPERBALITA CEBU

Bucks wa’y paglubad

PADAYON ang kabangis sa overall leader Milwaukee Bucks ug ilang gipanglampornas ang hosts Detriot Pistons, 126-106, sa pagbalik sa aksyon sa National Basketball Association (NBA) kagahapon gikan sa All-Star break.

Sama sa kadaghanan sa teams, ang Bucks nabalaka sab nga natay-an ang ilang kapabilidad gumikan sa taas-taas nga pahuway apan dili kini maoy nahitabo.

Pagsugod pa lang sa duwa, nagmangtas na dayon ang Bucks ug nakarehistro kini’g 70 puntos sa halftime pa lang kumpara sa 41 puntos nga naangkon sa Pistons.

“That was a really impressive first half and I thought we did a lot of good things in the second half, too,” matod ni Bucks coach Mike Budenholzer.

“Our energy had been good the last two days, but that doesn’t always equate to good play. There were a lot of positives for the first game after the break.”

Ang Bucks ningpahugot og samot sa ilang paggunit sa overall leadership dala ang 47-8 nga rekord samtang ang Pistons nangahagbong sa 19-39 nga rekord, ika-12 sa Eastern Conference.

Sama sa naandan, ang Bucks gipangulohan sa ilang lider nga si All-Star Giannis Antetokounmpo, kinsa nipupo og 33 puntos ug 16 rebounds.

Adunay higayon sa 2nd half nga nainat sa Bucks ang ilang labaw ngadto sa 34 puntos.

“It was big to come off the break and play good basketball and be up by almost 30 at the half. We picked up right where we left off,” matod ni Antetokounmpo, kinsa maoy kasamtangang MVP.

Ang laing All-Star nga sakop sa Bucks nga si Khris Middleton nidugang og 28 puntos alang sa kadaugan, nitunol og 19 puntos si Eric Bledsoe samtang niamot og 18 puntos si Brook Lopez.

“We came out and played our game and played with pace and aggression. That’s how we have to play the rest of the way,” asoy ni Middleton.

Ang Pistons nakaangkon sa ikalima nilang sunodsunod nga kapildihan gikan niadtong Pebrero 6 atol sa ilang pag-trade ni Andre Drummond ngadto sa Cleveland Cavaliers.

“With a young team, it takes getting smacked upside the head a few times to wake them up a little bit,” matod ni Pistons coach Dwane Casey. “Tonight showed everyone how far we still have to go when it comes to building our roster and developing our young players.”

Ang Pistons gipangulohan ni Christian Wood pinaagi sa iyang 18 puntos samtang nitampo og 16 puntos si Bruce Brown. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph