DEAR Noy Kulas,
Maayong adlaw nimo. Naaghat ko sa pagpadala sa pamasin nga imo kong matambagan. Tagoa lang ko sa ngan nga Matt, 40.
Ang akong problema mao ang akong boss nga grabe ka estrikto, wa kaluoy pero grabe ka playboy nga nagmata lang ang iyang asawa og buntag.Grabe pa gyud siya kay duha sa iyang uyab amo rang mga kauban sa kompaniya. Iya lang puli-pulihon og schedule. Abusado kaayo siya kay bisan unsa na lay iyang ipangsugo namo, apil na ang pagbaton sa iyang sala kay kami ang patubagon kon manawag ang iyang asawa kay mangita niya sa opisina. Hulga-hulgaon ra ba dayon mi og taktak sa trabaho. Naglagot na kaayo mi sa iyang gibuhat namo.
Unsa kahay among mabuhat no aron maputol ning iyang kabuang? Sipsip ra ba kaayo ni sa kompaniya.
Matt
Matt,
Mahimo man nga magtigom mo og evidence against niya. Like kanang pictures ug pagkuha og mga detalye sa iyang mga extra marital affairs, sama sa pagpaniid sa iyang mga lihok, routine ug uban pa. Gikinahanglan ang lig-ong mga ebidensya against sa iyaha aron di na siya makapanghimakak kon duna nay himuong imbestigasyon. Kon inyo ning himuon, kinahanglan i assess sab ninyo ang moapil sa circle.The fewer ang makahibawo, the better.
Bitaw, di maayo ang mga boss nga abusado. Okay ra man nang personal life niya kay wa man moy labot niana. Apan kon ang inyong trabaho iyang iapil sa iyang hulga-hulga ninyo, pinaagi sa power tripping, kana maoy di maayo kay mahug man nga iya sab mong gigamit. Nakaila na kog tawo nga ingon niana kaniadto, nga akoy motubag in his behalf kada tawag sa iyang family member. Makonsensya ka kada away nila or everytime nga mamakak ka in his behalf.
Suwayi lang ninyo og balibad kon sunod higayon, suguon na sab mo. Kon di siya mohunong, diha na planuha ang aksyon.
Noy Kulas
Alang sa imong problema, e-mail sa kulassuper@sunstar.com.ph ug rojval69@yahoo.com