Pujada Bay ug laing duha, apil sa ‘Most Beautiful Bays in the World’

(Hulagway gikan sa DavOr PIO)
(Hulagway gikan sa DavOr PIO)

NAGMAYA ang mga taga-Mati, human miguwa ang desisyon nga di lamang usa, apan tulo sa ilang kadagatan didto nga sentro sa atraksiyon ug turismo ang nahimong kabahin sa listahan sa “Most Beautiful Bays in the World.”

Nasayran nga ang gisumite lamang nga aplikasyon sa Mati City mao ang ngalan sa Pujada Bay, apan mga foreign validators, giapil sa listahan ang Mayo ug Balete Bay.

Si Mati City Mayor Michelle Nakpil Rabat, mibati sa tumang kalipay tungod sa laing dungog nga naangkon sa siyudad.

“Now all three bays in the City of Mati are in the list of MBBWA which is a testimony of how beautiful our waters are. This rare feat now becomes a challenge for us to do more and persevere in our efforts for the protection and preservation of our environment,” sa pahayag sa mayor.

Enero ning tuig, miduaw sa siyudad ang mga validators nga gilangkuban nila MBBW Club founder ug manager Bruno Bodard ug MBBW treasurer Guy Ettiene Rousset aron suruyon ang mga bahiya sa Mati.

“The bays are remarkably clean!” ni Bodard atol sa press conference nga paghulagway niya sa kadagatan sa Mati.

Ang duha ka foreign validators wa magdahum sa ilang nakitang kaanyag sa mga baybayon sa dapit.

Sa pikas bahin, gidugang ni Nakpil-Rabat nga ang pagkahilakip sa tulo ka bahiya sa Mati sa listahan dakong tabang ngadto sa ilang turismo, labaw sa tanan sa padayong pagkonserba nila sa ilang mga tourist attractions aron mas daghan pa ang malingaw sa ilang pagbisita sa lugar.

Nagpasalamat sab ang opisyal sa Provincial Government ilawom sa administrasyon ni Governor Nelson Dayanghirang sa pagpanguna nga mahilakip sa listahan sa Most Beautiful Bays in the World ang Pujada Bay.

“Most especially we thank the people of the City of Mati for their cooperation and participation in cleaning, preserving, and protecting our bays. We still have a long way to go. Being included in the list is the least difficult part, staying in the list is more challenging,” dugang ni Rabat.

Gidasig sab sa mayor ang tanang Matiños nga makigbulig sa pagpabiling limpyo ang baybayon.

“As your City Government vow to provide more infrastructure and facilities that would help the bays maintain its clean and pristine condition that made it as three Most Beautiful Bays in the World.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph