SUPERBALITA DAVAO

Talento: Private World of Pain

Panglantaw

ANOTHER life to celebrate on this beautiful Saturday. Atong pasidunggan ang Kahitas-an, hallelujah!

Ang blood pressure seguradoha nga dili lampas sa normal higala aron magpadayon ang atong birthday celebrations! Ang makalimot og inom sa resetang tambal, basig magkita na ni Hesus (kung malangit busa paniguraduha nga luwas ang kalag, higala).

Ang atong hisgutanan mahitungod sa mga kasakit nga atong naagian apan gihilum lamang. Tanan baya kita ning agig mga pagsulay. Ang uban kay inig maipit sa sitwasyon, mandamay’g higala o paryente, igsuon. Apan aduna poy nagapahipi sa kilid ra kay lagi... aduna poy laing ginadala ang uban busa ang ilang gibati dili na nato pabug-atan, klaro?

Ang sikat kaayo nga singer-songwriter, Stefani Germanotta, sinalikway bisan niadtong anaa siya sa elementarya kay kuno dili masabtan ang personalidad niya. Sa edad nga disenwebe, gilugos siya sa lalaking mas tiguwang kaniyag beynte ka tuig. Ang pait niya nga kaagi, nagbungag post-traumatic stress disorder (PTSD), usa ka sakit sa pangutok kon mental disease.

Wala ngadto nahunong ang sakit nga iyang giluom kay nag-antus pod siya og fibromyalgia o ang grabeng pisikal nga panakit sa tibuok kalawasan nga nakaapekto sa iyang abilidad sa pagbuhat.

Ninggaan kuno ang iyang paminsar sa dihang mapokus niya ang iyang atensyon sa pagsulat og mga leriko ug pagkanta niini ug pagsayaw. Ang musika ang iyang gikuptang hinagiban aron makayanan ang tanan niyang giagian kaniadto.

Si Stefani Germanotta mao si “LADY GAGA!” Wala damha nga sa pisikal nga pag-antos nabansay niya iyang abilidad ug talento. Ninggama siya og mas kusgan nga bersyon sa iyang kaugalingon busa nahimo siyang malampuson.

Si “The Rock” Dwayne Johnson, Michael J. Fox ug Steve Harvey, halos managkauban ra sa karera kaniadto nga magpakatawa sa mga tawo (stand up comedian). Si Johnson ug Fox, ginakantyawan sa entablado ug ning agi og kalaay sa ilang pagpanarbaho. Si Harvey, pait-pait pod ang problema busa dili makaadto sa lugar diin pamugasan unta niya. Pero asa na sila karon? Dili ba sikat na kaayo, igsuon? Pero ning agi pod og kulata sa kapalaran, higala.

Giutangan apan hangtod karon daw hangad-hangad o moliko kung magtagbo sa dalan, dili na pod motubag itext o tawagan nga pirmi man untang online, gihikawan sa oportunidad sa trabaho, gikamang ang kapikas sa kinabuhi, giilad sa nagkadaiyang pamaagi, giabandona sa pamilya, gipahimuslan sa barkada, ug uban pa. I’m sure aduna pod kay kaagi nga susama sa akong nahisulat, right?

Regardless kung unsa kapait atong naagian, dili kita manginabuhing mas pait pa sa ampalaya samtang kita nagaginhawa. Lisod magpasaylo ilabi kung suod o kadugo nato apan kung dili kita mobuhig “forgiveness”, dili pod ta makalingkawas sa kasakit nga dala niini.

Si Dr. Ravi Zacharias, inilang manunulat ug libro sa Kristiyanismo sa Amerika nagkanayon, “Ang sakit usa ka tinuod nga bahin sa kinabuhi. Dili ka mahulma sa gitinguha sa Dios sa imong kinabuhi kung dili ka mag-antos. Ang mga kasakit sa kinabuhi kay kasingkasing nga ebanghelyo aron makabati kita’g kapasayloan sa Ginoo.” Dili lang kuno kita magkaguol kay adunay garantiya sa kalinaw ang Dios sa panahon nga daw mawad-an na kita’g paglaum.

Kung mahimo, magpakitabang kita sa atong pamilya. Sama ni Lady Gaga, nagduol sa eksperto nga makatabang sa sakit niya, bro. Nindot nga dili kita mangdamay sa uban ini’g kita naa sa kawalan apan dili pod kita mag asta nga kaya kay basi’g malisoan pod ta.

Ayaw soluha ang mga problema, isugid nato kay Abba. Hallelujah!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph