(SunStar file photo)
(SunStar file photo)

300 OFWs sa Soccksargen makadawat og tabang

KIDAPAWAN CITY -- Makadawat og hinabang ang 300 ka mga overseas Filipino workers (OFWs) sa Soccsksargen nga naapektuhan sa travel ban sa mga nasud nga giigo sa coronavirus disease o Covid-19.

Daghan nga mga OFWs nga gikan sa North Cotabato nawad-an og trabaho gumikan sa travel ban.

Matud ni Overseas Workers Welfare Administration officer in charge Kristine Marie Sison nga mga nahisgutan makadawat og P10,000 financial assistance.

Kini subay sa memorandum nga nadawat sa OWWA-Soccksargen gikan sa ilang central office sa kaulohan.

Apil na niini kadtong mga OFWs nga pabalik na unta sa mga nasud nga ilang gi-trabahoan apan natanggong sa mga airport sa nasud.

Giawhag ang mga nahisgutang OFWs nga moadto lang sa buhatan sa OWWA Regional Office 12 ug kadtong taga North Cotabato moadto sab sa PESO Kidapawan office.

Apil sa mga isumite aron makakuha og financial assistance mao ang mga mosunod: valid passport, airline ticket ug proof of employment sama sa employment contract, overseas employment certificate o work permit.

Dakong tabang sa mga OFWs ang hinabang sa OWWA nga magamit nila sa inadlaw-adlaw nilang gasto samtang ania pa sila sa nasud. (Edgar E. Fuerzas)

Related Stories

No stories found.
SunStar Publishing Inc.
www.sunstar.com.ph