Kanhi pulis patay sa buy-bust sa Bohol; Ferro mibahad na

KANHI pulis nga giila nga high value individual sa Bohol Provincial Police Office napatay sa buy-bust sa mga sakop sa Provincial Intelligence Branch alas 10 Huwebes sa buntag, Pebrero 20, sa Purok 1, Barangay Asinan, lungsod sa Buenavista.

Ang kanhi pulis giila nga si Kevin Hubac, 35, lumolupyo sa lugar.

Sigun sa hepe sa Bohol PPO Police Colonel Jonathan Cabal, nga sa dihang gihimo ang buy-bust, nakabantay ang kanhi pulis nga mga pulis ra usab ang naka palit kaniya.

Giingong nilanit kini sa iyang .45 kalibre nga pistola ug giingong nanguna pagpamusil hinungdan nga gibawsan sa mga pulis nga niresulta sa pagkaigo niini sa dughan.

Dali nga gidala si Hubac sa Dagohoy District Hospital sa Inabanga Bohol, apan gi deklara nga patay na sa pag-abot sa tambalanan.

Nakuha gikan kang Hubac ang pistola nga aduna pay bala, lakip na ang mga pinutos sa illegal nga drugas nga mobalor og P157,700.

Matod ni Police Brigadier General Albert Ignatius Ferro, hepe sa Police Regional Office 7, nga taodtaod na nga gi monitor sa iyang mga sakop si Hubac.

“We will not tolerate even if it’s a dismissed policeman peddling drugs in this particular region,” matod ni Ferro.

Mibahad si Ferro niadtong mga kanhi pulis nga misulod sa illegal nga negosyo sama sa illegal nga drugas nga iya kining gukdon.

Kon manukol, dili magpanuko sa pag bawos ang mga pulis sama sa nahitabo kang Hubac taliwa ning ilang paghingusog sa ilang anti-drug operations. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph