SUPERBALITA CEBU

Albor: Kagaw naglukdo og korona

Sandiganan

GIHAKOP sa tumang kahadlok sa misteryosong pneumonia mugna sa 2019 Nobel Coronavirus Acute Respiratory Disease (NCoV ARD) o COVID-19 Gikan sa Wuhan, Hubei, China nga mitakod sa Thailand, Taiwan, South Korea, Japan, Vietnam, US, Nepal, France, Singapore, Canada, Hongkong, Macao, Australia, Malaysia, Cambodia, Germany, Shri Langka, UAE, Finland, India, Sweden, Spain, Russia, Italia, Britania, Belgium, UK ug Pilipinas.Makalilisang ang maong kagaw nga naglukdo og korona. Pun-an pa sa fake news sa social media nga nakapaukyab ug nakasulbong sa kabalaka. Nakapiang sa ekonomiya. Nakatibhang sa turismo.

Pito ka pamilya ang kagaw sa coronavirus. Una ang Human Coronavirus (HCoV)-229 E. Ikaduha ang HCoV-OC 23. Ikatulo ang HCoV- NL 63. Ikaupat ang HKV1. Kining upat magbalik-balik og takboy ang hilanat apan dili seryoso nga balatian. Ikalima ang Sars-CoV sa China ug Hongkong nga maglisod sa pagginhawa 774 ang patay sa 2002-2003. Ikaunom ang Mers-CoV sa Saudi Arabia nga sakit sa kamelyo mitapon sa tawo 858 ang patay sa 2012. Ikapito ang COVID-19 sa Wuhan sakit nga nakuha sa pagkaon og kwaknit ug bitin nga mikalas nag dul-an sa 2,000 ning 2020. Mideklarar ang World Health Organization og Global Health Emergency. DOH Sec. Francisco Duque gisabonan sa Senado human mitago sa tinuod nga inpormasyon ug napakyas sa contact tracing sa mga nahakuyog sa biyahe sa tulo ka mga Insek nga konpirmadong positibo dinhi sa nasod, usa ang patay. Nanghunaw dayong han-ok sa pagbasol ngadto sa iyang mga sakop sa Epidemiology Bureau. Maayo gani kay kongkreto ang mga lakang sa local government units ug misalga na ang kapulisan sa pagsuhid.

Gipahamtang ang travel ban. Mandatory 14-day quarantine. MCIA mikanselar sa mga biyahe. PPA nagdili sa pagpadunggo. DILG miumol sa Barangay Health Emergency Rescue Team. Gilangay ang Provincial Meet, Division Meet, Cviraa, Prisaa, Palarong Pambansa, sports activities, field trips, jamborees, uban pang tapok-tapok. Gisuspenso ang klase sa Negros Oriental. Oratio Emperata sa simbahan nga epektibong panampong kon itandi sa overpriced facemask kay walay makaambas sa Ginoo nga maoy atong gisandigan sa kabaskog sa kalibotan.

Reference laboratory nga takos moila sa virus mao ang Victoria Infectious Disease sa Melbourne, Australia apan pwede na sa Research Institute for Tropical Medicine sa Alabang, Muntinlupa City, Metro Manila kay duna nay primer o testing kit gikan sa Japan. Gilaoman nga motidlom ang maong balatian aron molurang ang kagaw sa kahadlok. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph