Editoryal: Nagbalikbalik ang problema

Editorial Cartoon by Ariel Itumay
Editorial Cartoon by Ariel Itumay

SULOD lang sa 72 oras, mobalor og P70 milyunes nga illegal drugs ang nasakmit sa kapulisan sa Central Visayas. Sa mao nga gidaghanon, P60 milyunes niini nasakmit dinhi sa Sugbo.

Sa grabeng kampanya batok sa illegal drugs sukad sa pag-asumer ni Presidente Rodrigo Duterte sa katungdanan ug sa kadaghan sa nasakmit ug nadakpan, ingon sa wa matibhangi ang street drugs tungod kay daghan gihapon ang nakuha sa mga operasyon.

Ang nakapait pa gani kay bisan mga menor de edad gigamit na sa illegal drug operation.

Lain pang problema mao ang pagbalik sa pag-operate sa mga tawo nga nangadakpan na sa illegal drugs, apan mingpahimulos sa plea bargaining hinungdan nga nakagawas sa bilanggoan.

Kining plea bargaining gitumong aron pagpaminos sa mga inmate sa mga bilanggoan. Kay daghan ang nadakpan sa illegal drugs, sila naghuot. Ang plea bargaining gigamit aron pag-decongest. Kini usab ang usa sa nakaingon nga ang problema mibalik ra. Nigrabe pa kay ang mao nga mga binilanggo nakaestablisar na og contact sa dagkong drug players. Sa ato pa, wa kini makasulbad sa problema.

Usa sa angay nga tutokan mao ang pagbilanggo sa mga durugista. Gikinahanglan sila nga ibutang og espesyal nga pasilidad, diin imposible kaayo nila nga makaestablisar og contact sa gawas aron makapadayon sa ilang mga drug transaction.

Sa laktod, isipon silang espesyal, di ordinaryong mga kriminal kay illegal drugs ang ilang mga kaso.

Madaku man o gamay ang ilegal drugs nga nakuha, gikinananglan nga tratahon kining espesyal nga kaso, di kay yano lang nga palutson pinaagi sa plea bargaining. Kay ang pagbuhi sa mga durugista nagpabalikbalik sa problema. Wa kini mogamay, inay nagpadaku na hinuon sa suliran.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph