ADUNA na’y bag-ong coach ang Don Bosco Technological Center (DBTC) Greywolves.
Ang Greywolves mikuha sa beteranong coach Albert Alocillo aron ihulip kang Gerald Ylaya.
Sa pagpakighinabi sa Sun.Star Cebu, igsuong buhatan ning mantalaan, nagkanayon si Alocillo nga gihatagan niya’g importansya ang pagtanom sa “winner’s mindset” ngadto sa Greywolves.
Sulod na sab sa pipila ka mga tuig nga wala nakataak sa semi-finals ang Grewolves sa Cebu Schools Athletic Foundation Inc. (CESAFI) high school division hinungdan nga nakahukom kining magkuha og bag-ong coach.
“We will play as a team, adopt a new system that fits our materials, and adopt a change of mindset of a real winner, sharing with them the priorities of life with a coaching philosophy and guidelines as our foundation, which is very useful in their daily undertakings of life. We want to prepare them to adopt changes for the next level,” asoy ni Alocillo.
Matod ni Alocillo, kinsa kanhi coach sa University of Southern Philippines Foundation (USPF) Panthers, nga sa iyang tan-aw, adunay igong kapabilidad ang puwersa sa Greywolves nga gipangulohan sa sumosulbong nga si Vincent Escobido.
“We can maximize Vincent Escobido’s talent in games but more than that, we can help him become a role model and a leader of the team,” dugang ni Alocillo.
Nagtuo si Alocillo nga kon adunay saktong suporta gikan sa tunghaan ug alumni, hayan makasulod sa semi-finals ang Greywolves sa sunod season sa Cesafi. (JNP, ESL)