DUL-AN sa 300 ka kababayen-an sa Barangay Basak, dakbayan sa Lapu-Lapu, ang mitambong sa gilusad nga training sa Lapu-Lapu City Cooperative and Livelihood Resource Center (LCRC), ubos sa pakigtambayayong sa Lapu-Lapu City Government ug Kababayen-an Alang sa Kauswagan sa Katilingban nga mao ang Livelihood Skills Training Program.
Ang maong training gipahigayon sa Barangay Basak Covered Court niadtong Biyernes, Pebrero 21, pasado alas 9:00 sa buntag.
Personal nga gitambungan nila ni Lapu-Lapu City Mayor Junard “Ahong” Chan, First lady ug Lapu-Lapu City Tourism, Cultural & Historical Affairs Commission Chairperson Ma. Cynthia King-Chan.
Mitambong usab sila si Kauban President Josie Hayashi, usa ka kapunongan sa mga komunidad sa dakbayan.
Usa sa mga saad ni Mayor Ahong, ang paghatag og dugang panginabuhian ug kaalam sa kababayen-an alang sa ilang kalamboan pinaagi sa pagpamilgya niinig mga pagkaon nga ilang nakat-on, kon unsaon pagluto.
Ang LCRC, diin ang officer-in-charge mao si Josephine Quirante mopahigayon og Livelihood Skills Training Program, alang sa kababayen-an ug magtudlo sa pagluto sa lamiang puto cheese ug binangkal; motudlo sa pagbuhat sa powder detergent kon sabon nga panglaba.
Ang LCRC ug Lapu-Lapu City Government matag semana molibot sa nagkadaiyang barangay sa dakbayan alang sa pagpahigayon sa laing pa nga livelihood skills training program alang sa mga molupyo. (PR, PIO)