Dear Papa Joe,
Tawaga ko sa ngalan nga Eming, taga Talisay City.
Usa ko ka part-time nga pintor o free lance ug mostly home service. Pero naay kalit lang nanawag nako nga usa ka dakong kompanya nga ni-hire nako project basis lang.
Karon, nadugaydugay gyud ko kay daghan na man ang gipatrabaho ug mao ni problema ron kay ang main nga pintor naglagot nako nga niabot na sa punto nga binuangan na niya ang pintal para di ko magkadimao mao nga masayop na hinuon ug madugay.
Di man sad mosugot ang tag-iya nga moundang ko kay nindot kuno og feedback akong trabaho pero wa ko mosulti niya about sa main na pintor. Unsay buhaton ko? Tambagi ko.
EMING
Eming,
Una, mas maayo nga mo- reach out ka sa maong pintor. Insecure siya nimo ug threat ka niya. Siguro, ikaw mouna ug mas maayo prangkahan nimo siya. Kon di ka magdinawo sa imong blessings, tudlu-i siya sa imong idea aron di siya mataha nimo.
Kon di gyud madala, prangkahi ang imong amo o ba kaha job out ka. Likay sa negatibo, mas grasyahan ta if manggihatagon ta. Daghang salamat.
PAPA JOE
(sa inyong tampo ipadala sa papajoesuperb@gmail.com)