NORTH COTABATO -- Dako na kaayo ang lugi sa mga namaligya og litsong baboy sa Siyudad sa Kidapawan.
Kini ang gikumpirma ni Nong Tony diin sobra katunga sa ilang kita ang nawala sa ilang negosyo.
Niadtong wala pa mikatap ang African Swine Fever (ASF) sa mga binuhing baboy miabot og napulo ka litsong baboy ang mahalin matag adlaw.
Apan karon suwerte na kaayo kon muabot og lima ka litsong baboy ang mahalin usahay langawon na lamang ang ilang puwesto sa Barangay Magsaysay, Kidapawan City.
Mismo ang pamilya ni Nong Tony ang nagbuhi sa mga baboy nga ilang gilitson diin feeds ang ilang gipakaon og dili salin-salin nga lamaw aron malikayan ang ASF.
Sa tibuok probinsiya sa Cotabato mokantidad sa P100 milyones ang nalugi sa mga hog raiser gumikan sa ASF.