Pulis ug 1-anyos anak nadasmagan og traysikol

DAVAO DEL NORTE -- Padayong gitambalan sulod sa balay tambalanan ang babayeng pulis ug ang usa ka tuig nga anak niini human sila nadasmagan sa traysikol didto sa Maharlika Road sa Purok 4, Barangay Salvacion, Panabo City, alas 4:30 sa hapon niadtong Biyernes, Pebrero 21, 2020.

Ang biktima mao si Police Staff Sergeant Feb Hazyl Dequito Palconit, 33-anyos, kasamtangang nadestino sa Carmen Municipal Police Station ug ang usa ka tuig nga anak niini nga si Adleia Maxim.

Gikabutyag nga usa ka Yamaha STX125 nga adunay plaka nga LA 73373 ang nakadasmag sa mag-inahan, diin ang maong traysikol gimaneho ni Eduard Guhao Jr., 33-anyos taga Purok Maharlika, Barangay Gredu, Panabo City.

Nasayran nga padung sa Barangay Salvacion ang motorsiklo samtang ang mag-inahan naglakaw kilid sa Maharlika Road National Highway padung sa direksyon sa Siyudad sa Tagum apan pag-abot sa dapit giingong kusog ang dagan sa motorsiklo nga miliko pawala ug nadasmagan ang mga biktima.

Sa kakusog sa impak, ang mag-inahan natumba sa dalan ug nakahiagom og mga samad sa kalawasan kinsa gipangdala sa Rivera Medical Center.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph