Imbes hotel, presinto ang ending sa langyaw, dalagita

NAKAABTIK ang front desk sa usa ka hotel sa Cebu City nga dili maayo ang tumong sa usa ka langyaw sa dihang mo-check in unta ni uban sa usa ka dalagita niadtong hapon sa Sabado, Pebrero 22, 2020.

Ang langyaw nag-edad og 50 samtang ang dalagita 14 anyos pa. Kuyog sa dalagita ang iyang mama.

Si PSMSgt. Marissa Manubag sa Women’s Children Protection Desk (WCPD) sa Carbon Police Station (CPS), sa pakighinabi sa Superbalita Cebu, niingon nga ang hotel na mismo ang nanawag aron ipahibawo ang ilang namatngonan.

Nagkuyog ang langyaw, ang dalagita ug ang mama niini sa pag-atubang sa WCPD sa CPS.

Matod ni Manubag, sa wala pa ang panagtagbo sa dalagita ug sa langyaw sa usa ka dakong mall, nag-online chat na ni silang duha. Nagkasabot ang langyaw ug ang dalagita nga magkita.

Apan nikuyog ang inahan sa dalagita didto sa mall ug nibiya pagkataudtaod.

Matod pa, walay kabangkaagan ang inahan kon asa dalhon sa langyaw ang iyang anak.

Didto lang nabulabog dihang wala pasudla sa hotel ang langyaw kuyog ang 14 anyos.

Matod ni Manubag, atol sa panagtagbo sa matag habig, nahukman nga dili nalang mopasaka og kaso sanglit ang inahan sa bata nakalapas man sa balaod tungod sa pagkuyog niya sa pakigkita sa langyaw.

Ang langyaw nangayo usab og despensa sa iyang mga gipangbuhat ug nipasalig nga dili na mousab sa iyang gibuhat. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph