SUPERBALITA CAGAYAN DE ORO

Mga coach sa Gilas Pilipinas nagpahigayon og clinic

(Hulagway kuha ni Kris C. Sialana)



GIPAHIGAYON ang duha ka adlaw nga coach clinic sugod Pebrero 22 hangtud 23 sa mga coach sa Gilas Pilipinas sa Corpus Christi Gym, Siyudad sa Cagayan de Oro.

Anaa sa gatusan ang nisalmot gikan sa nagkadaiyang dapit sama sa Bukidnon, Camiguin, Lanao del Norte, Iligan, Kapatagan, Misamis Occidental, Misamis Oriental sama sa Magsaysay, Balingasag, Claveria, Medina, ug uban pa ug usab sa Cagayan de Oro sa gipahigayong duha ka adlaw nga Samahang Basketbol ng Pilipinas (SBP) coaches clinic level 1.2 nga gipangulohan mismo sa multi-awarded Philippine Basketball Association coach ug Samahang Basketbol ng Pilipinas (SBP) coaches Commission Head Joseph ‘Jong’ Uichico kauban usab niini ang strength and conditioning coach nga si Martin Alido ug Gilas Pilipinas women's team assistant coach nga si Mark Solano, Committee on Sports and Youth chairman ug lakip na ang SBP-Davao Region director Stephen ‘Pong’ Dacoco.

Dunay registration fee nga P2,000 diin lakip na niini ang mga uniporme, identification card, kagamitan atol sa maong kalihukan ug uban pa.

Atol sa press conference, gibutyag ni Mayor Oscar Moreno nga maayo kini nga oportunidad ilabi na sa mga coaches ug bisan sa mga bag-ohan pa sa sports.

Suportado usab ni Moreno ang mga programa sa sport.

“This is a good opportunity for our future national coaches to learn from the experts and of course this is the program of SBP,” matud ni Moreno.

Samtang nagpasalamat usab si Uichico sa suporta ni Moreno sa programa sa SBP ug naghatag pa kini og pahimangno sa mga coaches nga kinahanglan nga masayod usab kini sa mga rules sa referee pinaagi sa pag-apil sa mga referee's clinic aron usab makahibalo sa mga gabayan isip usa ka referee.

Naghatag usab kini og pahimangno sa mga coaches nga kun mapildi dili ipasangil ngadto sa mga referee.

"Pag natalo o nanalo kayo tumingin muna kayo sa salamin at makikita mo ang sarili ko kung saan ako nagkamali? Saan ako nagkulang o saan ako pweding mag-improve? Yun ang ituturo namin sa coaches," pahayag ni Uichico.

Gipasabot usab niini kung unsa ka-importante ang mga clinic nga apilan pareho sa coaches ug referee diha sa basketball aron nga dugangan pa ang kahibalo ilabi na nga dili sa usa lang ka higayon nga pagpahigayon og clinic matudlo dayon ang tanan sa mga hanas na nga coaches.

Samtang nagpasalamat usab si Dacoco sa ubay-ubay nga mga partisipante ug nanghinaot nga sa sunod nga mga kalihukan sama niini mas modaghan pa ang moapil.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph