MANILA – Taudtaod nga nawala sa sirkulasyon ang usa ka banggiitang female singer. Basta kalit lang siyang nahanaw sa limelight og abi sa fans nga gibalikan niya ang kanhi niya propesyun apan wala diay ug nasayran nga nag-abroad kini og namasin nga makaplagan niya sa gawas sa nasod ang suwerte.
Sa abroad medyo lisud ang kahimtang sa maong female singer.
Oo, naay mga panahon nga nakakaraket siya didto as a singer apan mas daghang semana o buwan nga nga-nga siya.
Sigon pa sa akong source, nakikitulog na lang si singer sa balay sa mga Pinoy nga iyang nakaila.
Adunay higayon nga hasulan ang tagbalay sa iyang gikatulgan tungod kay nagpunay lang og katulog, di man lang kuno motabang-tabang bisan maghugas og plato.
Way nakuhang regular nga trabaho si singer og daghan na siya gipang-utangan, gani si bisan kinsa na lang ang maningil sa iyaha.
NAIBGAN OG TOMBOY
May nagkagustong tomboy nga usa sab ka Filipino ug sa way pagduha-duha, gisugot gilayon sa maong singer ang maong tomboy.
Pag-primero okey ang ilang panag-uban until napansin na lang ni tomboy nga gigamit ra siya ni female singer. Giingong nagsalig na lang kuno siya sa uyab ug walay planong mangita og trabaho.
Nagbuwag ang duha og balik sa dating gawi si female singer, nakikitulog sa balay sa mga Pinoy nga nahimamat ug sa kasamtangan mas nidaghan pa ang iyang utang.
Nasabtan siya sa mga Pinoy nga iyang nautangan kay wala pa lagi siyay trabaho apan ang uban nakikiusap nga kung makaraket man siya, unta magbayad siya bisan data-data lang.
FOREIGNER NGA DATU ANG GIPANGITA
One time, may usa ka Pinay nga giutangan ni female singer ug gipailaila sa foreigner nga edaran, pamasin nga kon magkasinabot ang duha basin og mabayran na siya sa utang niini.
Apan bigo kini tungod kay sa unang pagkita pa lang ni singer sa foreigner, wa ganahi si singer, dili kuno niya feel ang tiguwang ug wa kuno siya’y planong magbaton og tiguwang.
Dili kuno niya masikmura nga modulog og tiguwang nga amoy lupa.
Ang gusto kuno ni female singer, dapat medyo batan-on pa, humot, gwapo og labaw sa tanan adunahan.
Tungod sa criteria nga gi-set ni female singer, nalisdan ang mga Pinoy nga nagmamalasakit sa kanya, hangtud karon wala pa silang nakitang foreigner nga qualified sa gipangita ni female singer.
Gumikan niini, wa pa jud mabayri ni female singer ang iyang mga utang.
Kinsa siya? Aniay clue biritera si female singer, nindot mag-perform pero ambot, gihikawan siya sa kasikatan.