Jayson mitalikod nang Duterte?

GISAWAY karon sa netizen ilabi na ang kanhi pro-DDS ang actor – comedian Jayson Gainza sa iyang pag-apil sa rally alang sa ABS-CBN sa katuyoan nga dili kini hingpit mapasira human nga wa pa ma-renew ang prankisa niini.

Usa si Gainza sa liboan ka mga kawani sa Kapamilya network ang misalmot sa maong prayer rally.

Taho sa usa ka nasudnong pamantalaan nga adunay netizen ang nikomento nga ang gihimo ni Jayson ingon sa misupak-supak na sa pamunoan ni Presidente Rodrigo Duterte.

Tweet niadtong nagdala sa username nga Joketerte mi-highlight sa hulagway sa maong actor pinaagi sa pagbutang og lingin diha sa iyang dagway aron dali mailhan nga adunay caption nga: “Noon at ngayon Jayson ano na! Split na with fist,” nga adunay tulo ka laughing emoticons.

Gitaparan sab og post sa na-unang picture ni Jayson nga didto sa Malacañang uban sa laing mga artista nga naki-hand fist.

Atol niining pagsuwat wa pay tubag si Jayson sa maong isyu. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph