SUPERBALITA CEBU

NPA nga miihaw sa 4 ka pulis, nadakpan

AMAHAN ug duha niya ka mga anak nga giingong sakop sa New People’s Army nga gitumbok nga lakip sa nagpatay sa upat ka mga pulis nga nag-surveillance sa bukirang dapit sa Ayungon, Negros Oriental ang nadakpan sa hiniusang pwersa sa kapulisan sa Central Visayas inabagan sa kapulisan sa Negros Occidental.

Ang mga nangadakpan mao si Belly Ebedo ug duha niini ka anak nga silang Gelie ug Jelly nga pulos lumad nga taga lungsod sa Ayungon, Negros Oriental.

Sila ang gitudlo sa saksi nga lakip sa nagpatay nilang Police Corporal Relebert Beronio, Patrolman Raffy Callao, Patrolman Roel Cabellon ug Patrolman Marquino de Leon nga pulos mga sakop sa Regional Mobile Force Battalion-7 nga nagpahigayon og surveillance sa bukirang dapit sa Ayungon niadtong Hulyo 2019.

Matod ni Police Brigadier General Albert Ignatius Ferro, director sa Police Regional Office 7, ang pagdakop sa tulo pinasikad sa warrant of arrest nga giluwatan ni Judge Rosario Carriaga sa Regional Trial Court Branch 75 sa dakbayan sa Bais, Negros Oriental.

Unang nadakpan mao si Jelly Ebedo niadtong Pebrero 18 sa gabii sa Barangay Blumentritt, Murcia, Negros Occidental. Nasundan sa pagkasikop ni Gelie niadtong Pebrero 22, didto sa Barangay Singcang dakbayan sa Bacolod ug pagka-sunod adlaw nadakpan ang amahan nga si Belly sa Sityo Biasong, Barangay Tayak, lungsod sa Siaton sa maong lalawigan.

Adunay ebidensya ang kapulisan batok sa amahan ug duha ka mga anak sama sa hulagway nga nagbansay-bansay kini uban sa mga hard core nga sakop sa NPA sa Negros Oriental.

Matod ni General Ferro, brutal ang kamatayon sa upat ka mga police sanglit gipatay kini atubangan sa daghang mga tawo sa Barangay Mabato.

“It is really a barbaric act its a transgression of the basic rights of any individual even if they are with the armed services. We follow the Geneva Convention of the Universal Declaration of Human Rights, hindi man ganyan dapat kung armed conflict walang torture dapat,” matod pa ni General Albert Ignatius Ferro.

Ang saksi nga wala mopakita sa iyang panagway mitug-an sa mga tigbalita nga nakakita siya sa pagpatay sa upat ka mga pulis diin iyang gitudlo si Belly ug duha niya ka anak nga apil niadtong grupo sa mga armado nga naghimo sa krimen atubangan sa daghang mga tawo.

Nakaila siya sa tulo tungod kay iya kining silingan didto sa Sityo Yamut, Barangay Mabato, Ayungon, Negros Oriental.

Dili kaayo siya layo sa nahitaboan diin gibana-bana niya nga distansya siyag 30 metros.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph