SUPERBALITA CAGAYAN DE ORO

3rd runner-up sa Miss CdeO 2019 morepresentar sa Miss U Philippines

DAKONG garbo ug hagit alang sa third runner-up sa Miss Cagayan de Oro 2019 ang pag-representar sa pinakaunang Miss Universe Philippines pageant karong umaabot nga Mayo 3, 2020 sa kaulohan.

Inspirasiyon sa 22 anyos nga si Vincy L. Vacalares, nga taga Barangay Camaman-an, siyudad sa Cagayan de Oro, ang full support niini nga pamilya.

Duha na ka tuig nga nagtudlo sa Corpus Christi School si Vacalares, kinsa ni-gradwar niadtong tuig 2017 sa University of Science and Technology of Southern Philippines (USTP) sa kurso nga Technology Communication Management (TCM) apan nagpadayon sa iyang gugma diha sa pagtudlo ug nahuman ang usa ka tuig nga Professional education sa susama nga unibersidad.

Gibutyag ni Vacalares nga iyang pamilya ang inspirasiyon tungod na usab sa walay puas ug dili masukod nga suporta ngadto kaniya.

"My inspiration really is my family, they are my support system and they are very supportive which makes me really have the drive to work hard and hopefully, hopefully get the crown," matud ni Vacalares.

Adbokasiya usab niini mao ang pagtudlo sa mga less fortunate o mga pamilya nga anaa sa kalisod nga kahimtang.

"Since I am an educator of Corpus Christi School, I will be focusing on education of our children here in Cagayan de Oro since ang ato pong beloved Mayor Moreno is focusing on building schools for our less fortunate nga mga pamilya," matud pa.

Daghan usab nga pagpangandam ang ilang gihimo sama na lang sa panglawas niini ug lakip na sa mental health labi na nga importante kaayo kini diha sa mga proseso ug masagubang samtang nagkaduol na ang maong prestihiyuso nga beauty pageant.

Dako usab kini nga hagit alang kaniya tungod na usab kay kini ang pinakaunang national beauty pageant nga apilan.

"Ang very challenge sa akoa as of now is this is very first nako pag-joined sa National Pageant and this is very challenging because I won't be dealing lang sa mga local lang nga mga beauties, I will be dealing with Luzon, Visayas and other parts of Midanao nga mga mga beauties," dugang pa.

Apan giingong kini nga mga challenges gihimo nalang usab nga oportunidad nga makahimamat og bag-ong mga higala ug alang usab sa iyang personal growth.

Naghangyo usab kini sa suporta ug pag-ampo sa mga Kagay-anon sa nagkaduol nga indigay. Nanghinaot kini nga motabang ug magpakita og suporta ang mga Kagay-anon diha sa paghatag sa ilang panahon sa pag-vote sa text vote man o sa Internet vote.

Samtang kahinumdoman nga si Miss Cagayan de Oro 2019 Cindy ObeƱita usab ang representante sa Binibining Pilipinas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph