SUPERBALITA CAGAYAN DE ORO

Yanson 4 nakapuntos?

Hulagway kuha ni Steph V. Berganio

GIPAABOT sa legal counsel sa "Yanson 4," o upat ka magsoun nga sila si Roy, Ricardo Jr., Emily ug Celina Yanson, nga nakapuntos sila sa bag-o lang nga legal battle.

Kini ang gikumpirma ni Atty. Raul Bitoon, ang spokesman sa Y4, human namahayag nga kumpiyansa siya nga nakapuntos ang upat ka magsuon.

Kini taliwala pa man nga mamatikdan sa bisan asang buhatan sa bus company nga gipanag-iyahan sa Yanson Group of Bus Companies (YGBC) labina dinhi sa dakbayan sa Cagayan de Oro nga dako nga tarpulin ang mibabag sa gate ug dinhi adunay mga nakasulat nga gidid-an sa pagpasulod ang "Yanson 4."

Gani gisuwayan og hinabi sa Superbalita Cagayan de Oro ang gwardya sa usa sa buhatan sa bus company kung aduna ba silay kasayuran sa bangi sa pamilya apan pulos tak-om ang ilang baba.

Ning bag-o lang nga paghidangat sa upat ka magsuon dinhi sa dakbayan, ilang gikumpirma sa katawhan pinaagi sa usa ka press conference nga admitado sila nga dili na makasulod sa ilang mga kompanya human sila nga gidid-an.

Kini nga mga kompanya gilakipan sa Rural Transit (Mindanao) Inc., Bachelor Express Inc., Ceres Liner Travel and Tour Inc., Ceres Transport Inc., Countryside Food Resources Corp., RB Yanson Resources Phils. Inc., Vallacar Transit Inc., ug ang Yanson Realty Development Corp.

Apan ilang gipaabot nga tinguha lamang nila nga dili wad-an og katungod ug patas nga pagdumala lamang sa kompanya maoy rason sila nakigbisog karong panahona sa korte human ilang gipamugos nga sila magsuon nagpirma sa Yanson Family Constitution.

Gipaabot sab sa magsoun nga ilang amahan nga mipanaw nga si Dr. Ricardo Yanson Sr. nagtugon nga kinahanglan patas ang shares ngadto sa mga anak ngadto sa tanan nga kompanya.

Ila sab paabot sab nga nahitabo ang kausaban dihang namatay ang amahan sa magsuon.

"When Ricardo Yanson passed away, somebody wants to change role. When the Yanson 4 would like to enforce their right over this bus companies, they are not doing it out of claim, they are doing it out of respect for the wishes of Dr. Ricardo Yanson," matud ni Bitoon.

Pabilin sab nga gipaabot sa Y4 nga sayod sila nga adunay mga trabahante sa mga kompanya nga nakisimpatiya kanila apan mas pilion nalang usa nila nga magpakahilom ug itugyan sa korte kining tanan nga maoy adunay dakong papel nga modesisyon niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!