DEAR Noy Kulas,
Tawga lang ko og Jo, 28 years old. Nagpadala ko og letter nimo aron magpa-advice. Akong situation comparable sa kang Sarah G. I mean akong lovelife.
Ako ang youngest sa family ug ako na lang ang wa maminyo kay di sila mosugot nga magminyo ko kay mabiyaan na unya ang among parents.
Ang akong boyfriend for five years gusto na kaayong magminyo mi aron di pa ko maglisod sa pagpanganak. Dako na kaayo mi og natigom para sa kasal ug sa among balay kon makasal na mi. Actually stable kaayo ming duha. But kaning akong situation maoy babag.
Unsa may amoang buhaton karon aron matuman ang among dream nga kami na forever?
Jo
Jo,
Wa may makapugong ninyo kay naa na mo sa legal kaayo nga age nga wa na magkinahanglan og parental consent.
Let him talk sa imong family to plan out sa tanan. Kay mahimo man nga kon magminyo mo, anha mo mopuyo sa inyong balay para wa moy gasto sa pagpatukod human sa inyong kasal. Mahimo man nga samtang naa pa ang imong parents ninyo, anha mo puyo. I mean it can be a common ground nga mag- agree mo nga magminyo ka but at the same time naa gihapon nimo ang imong parents. Kinsa man kahay mobalibad kon niana ang inyong saad? Di ra ba gyud mahimo mong mapugngan. Kana maoy inyong isaad sa imong pamilya.
Noy Kulas
(kulassuper@sunstar.com.ph ug rojval69@yahoo.com)