NAGHIKOT og liston sa sapatos sa iyang liog ang usa ka 17 anyos dihang nadiskubre sa inahan niini kagahapon mga alas 12:15 sa kaadlawon sa Purok 3, Barangay Jampason lungsod sa Jasaan, Misamis Oriental.
Patay na pag-abot sa tambalanan si Karen, adunay kaipon.
Sa imbestigasyon sa Jasaan Police Station, nasuta nga nasapon sa iyang inahan si Karen nga nagbitay gamit ang liston sulod sa puloy-anan.
Miresponde ang police on duty nga si Police Staff Sergeant Jopie M. Loretero ug mitabang pagdala sa biktima sa Jasaan Community Hospital apan gideklarang dead on arrival ni Dr. Justin Santiago.
Hilom ang inahan sa biktima sa nahitabo niini apan migawas ang report nga posibleng selos ang hinungdan sa paghikog.