KAHIBAWO na mo sa latest chika? Nia ra ay sa atong tagming, ming, ming....
Sumsoman sa showbiz nga mao diayng dili ganahan si Mommy Divine nga madayon ang kasal ni Sarah ug Matteo kay gusto kuno niini nga duna gyuy pre-nuptial agreement.
Apan knowing Sarah nga buotan kaayo nibalibad ni kay unfair daw ni Matteo ug sa pamilya niini.
Si Sarah base sa networth.com dunay networth nga P500 million kumparar ni Matteo nga dunay P50 million.
Si Sarah ang usa sa Top celebrity taxpayers sa nasod. Niadtong 2015, ang iyang nabayrang buhis mokabat sa P16 million ug P21 million niadtong 2017 ug 2018.
And this is the shocking part kay niingon kuno si Mommy Divine kang Sarah (in Cebuano translation): “Kay di man ka ganahan og pre-nuptial pwes kon gusto ka madayon ang inyong kasal ibalhin ang imong asset sa akong pangan.”
Obviously, wa mosugot si Sarah kay kon nisugot pa imbitado unta siya sa sikretong civil wedding ni Sarah ug Matteo niadtong Huwebes.
Ug wa mo mahibong nga bisag kausa wala gyud ta kadungog nga nitingog ni iyang amahan ug hasta ang mga igsuon ni Sarah nga puros babaye.
Sa interbyu sa miaging tuig sa Magandang Buhay, si Sarah nitug-an nga tua na sa Europe nagbase ang ilang kinamaguwangan samtang ang ilang kinamanghuran tua sa Japan nag-eskwela og animation.
Sa ato pa, dili diay ni estrikto si Mommy Divine sa laing duha ka mga igsuon ni Sarah? Kay iya ra man ning gitugotan nga malayo nila. O nagrebelde na ni tungod sa kahigpit sa ilang inahan?
Mga early 2000 nakauban ni nako si Mommy Divine ug Sarah sa usa ka paniudto. Kami ra ato sa usa ka function room ug way laing taga-media.
Abi nako maka-scoop na ko ni Sarah. Apan didto nako nakita nga kurog siya sa iyang inahan. Halos di kabuka ang iyang baba. And 20 years after, we still hear the same sob stories about them. Sad.
Sssuper Ka!
Ang atong sunod guest sa Sssuper Ka! maoy kadungan-dungan niadto sa bandang Stagecrew ug Cueshe way back early 2000.
Usa ka soul and RnB singer. Gi-managed ni siya niadto ni anhing Orly Cajegas nga sikat nga writer sa una sa Sunstar Weekend Magazine.
Karong bag-o siya ang featured artist sa Wish 107.5 FM. Siyempre kaila ni sila ni Chef Tatung. Kinsa siya?
Inyo ning mahibaw-an karong Huwebes sa Ssssuper Ka!!!