SUPERBALITA CEBU

Title

MISIDLAK og balik ang basketball career ni Tristan Albina human siya nakapirma og kontrata sa Valenzuela City-Carga Backload Solution sa Maharlika Pilipinas Basketball League (MPBL).

Ang Valenzuela nagpahigayon og tryout dinhi sa Sugbo niadtong Dominggo, Pebrero 23 sa Cebu City Sports Institute ug ilang napilian ang kanhi Three-Point King sa Cebu Schools Athletic Foundation Inc. (Cesafi).

Ang produkto sa University of the Visayas (UV) Green Lancers gilaumang makahatag og haligi sa gawas alang sa Valenzuela nga kasamtangang gipangulohan ni Paulo Hubalde.

Nagkanayon si Albina nga dako ang iyang kalipay nga nahatagan siya ning maong opurtunidad.

Giangkon ni Albina nga hapit na siyang nawad-an og paglaom kabahin sa iyang pangandoy isip basketbolista dihang wala siya nakaduwa sa miaging season sa Cesafi sa iyang pagbalhin sa University of Cebu (UC) Webmasters gumikan sa isyu sa akademiya.

“I really thought nga wala na gyud chance ako basketball career pero nisalig ko sa ako kaugalingon nga kaya nako ni,” matod ni Albina sa interbyu sa Sun.Star Cebu, igsuong buhatan ning mantalaan.

“Gusto ko magpasalamat sa akong mga inspirasyon sa kinabuhi. Akong family — Marlet, Ysa, and Trista. Sila mama ug papa. Kay kung wala sila, di na siguro ko mopadayon sa akong basketball career.”

“Una sa tanan, pasalamat gyud ko ni Lord nga natagaan ko og chance sa akong basketball career. Answered prayer gyud ni," dugang ni Albina.

Gikatakda sab nga mopirma og kontrata sa Valenzuela ang produkto sa Webmasters nga si Darrell Shane Menina, kinsa sakop sa Cesafi Mythical Five. (JNP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph