SUPERBALITA CEBU

Tabal moapil sa south Korea run

WALA gihapon mawad-i og paglaom si Cebu marathon queen Mary Joy Tabal kabahin sa iyang intensyon nga maka-qualify sa 2020 Tokyo Olympics nga ipahigayon karong Agusto.

Human makanselar ang duha ka international Olympic qualifying races tungod sa coronavirus disease 2019 (Covid-19) outbreak nga iya untang salmutan, si Tabal nangita og laing qualifying event.

Tuod man, nakit-an ni Tabal ang iyang gipangita dihang naaprubahan kagahapon ang iyang aplikasyon alang sa elite category sa Seoul Marathon nga gikatakda karong Marso 22, 2020.

Apan giangkon ni Tabal nga aduna siya’y kabalaka nga makanselar sab kining maong lumba gumikan kay gisaka na sa South Korea ang ilang alert level ngadto sa labing taas kabahin sa Covid-19.

Gumikan niini, posibleng limitahan sa mga nagpasiugda ang ilang mga partisipante o basin makanselar sab kini.

“I think this will be cancelled also. There’s still no announcement but it looks like it’s heading that way,” pasabot ni Tabal sa SunStar Cebu.

Gikataho nga nadugangan og 161 ka bag-ong kaso sa Covid-19 ang South Korea. Sa kinatibuk-an, niabot na kini sa 763 nga maoy ikaduhang labing daghan sa gawas sa mainland China.

Sa kasamtangan, ang Department of Foreign Affairs (DFA) mibutyag nga wala pa’y travel ban sa South Korea apan ilang giawhag ang mga Pinoy nga dili lang una mobiyahe sa South Korea kon mahimo.

Ang unang duha ka Olympic qualifying races nga salmutan unta ni Tabal nga nakanselar mao ang Hong Kong Standard Chartered Marathon ug Tokyo Marathon. (RSC, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph