DAVAO DEL NORTE -- Wa kaantos ang 20 anyos nga dalaga sa pakigpuyo sa tomboy nga giingong di kabalo manghugas sa iyang bilahan samtang gikaipon og kapin duha ka tuig.
Si alyas Erica nagbutyag dihang personal nga nahinabi sa Superbalita Davao sulod sa gitrabahoang bar ning probinsiya nga sa sinugdan dako ang iyang gibating pagmahal sa tomboy nga maoy una niyang hinigugma ug nagtuo nga siya na ang iyang forever.
Giangkon ni Erica nga way laing nangulitawo kaniya, hinungdan nga nakigrelasyon siya sa maong tomboy.
Apan, sumala pa nga samtang nag-aginod ang dagan sa ilang relasyon, inanay nga mitumaw ang matuod nga pagkasiya sa maong tomboy nga matud pa ni Erica, himarkada, palahubog ug sugarol.
Ug tungod sa maong mga bisyo, molakaw sa balay nga di maligo ug kung mouli, hubog ug nanimahong kwaknit ug diretsong matulog nga way panghugas, ilabi na sa bilahan nga mangalisbo sa kabaho labi na sa higayon nga magbilangkad nga matulog.
Gisulti ni Erika nga sa sinugdan, kaya pa niyang antuson ang batasan ug pagkababaye sa gikapuyong tomboy ug kaya pa usab nga maantos ang way sarang baho, labi na sa higayon nga sila mag-loving-loving.
Apan sa dihang nakaila ang matuod nga lalaki nga sumala pa di sama sa tomboy nga gikaipon nga di makabalo manghinlo sa lawas, si Erika nahigmata sa kamatuoran ug nakita ang matuod nga kalipay nga di kayang mahatag sa gikaipong tomboy.
Si Erika nagbutyag nga malipayon siya karon sa iyang kinabuhi, luyo sa trabahong gisudlan sanglit maoy kaabag sa paningkamot ang binuhat nga tinud-anay nga makahatag sa matuod nga kalipay ug labaw sa tanan ang lalaki nga makahatag kaniya og anak.