DEAR Papa Joe,
Ako diay si Lynette, 27 years old. Usa ko ka OFW. Abi nako pang Sarah ug Matteo ra ni mahitabo nga naay mga ginikanan na mo babag.
Ako man gud gikan ko sa Taiwan unya naa ko karon diri sa ato kay nagbakasyon. Plano lagi nako nga magminyo mi sa akong uyab for 10 years. Pero akong mga ginikanan kay di mosugot kay naa pa koy mga manghud nga nag-eskwela pa kuno. Naka ana ko grabe sad. Sukad ko nakahuman og eskwela, working pa gyud, gasalig na man hinuon sila nako. Akong uyab naguol kay lagi dugay na mi ug wa gud mi oras nga magka pamilya na. Unsa may buhaton nako? Palihug tambagi ko.
Lynette
Lynette,
Di nato na malikayan nga mao nay gusto sa mga ginikanan nato para nato nga motabang isip bawos. Maorag utang kabubut-on nga buhaton sa ubang mga ginikanan nga puhunan ang ilang anak para sa kaugmaon.
Pasabta lang imong ginikanan, Day, nga naa sad kay kaugalingon panginahanglan. Pangutan-a sila og nabuhat ba sad kaha ni nila sa ilang parents. Ingna sila nga di man sa ingon nga magminyo ka kalimtan na lang nimo sila ug kon mahimo, Day, if naa pa kay tinigom, panegosyuha sila para naa sad silay income ug kalingawan.
Kon di mada, naa ra gyud nimo ang tubag. Total nakahatag man sad ka nila sa dugay nga panahon.
Papa Joe
(sa inyong tampo ipadala lang sa papajoesuperb@gmail.com)