USA KA mananagat sa sitio Rattan, Barangay Tanke sa siyudad saTalisay ang gipasidunggan, human niuli og jetski nga nakit-ang nagpautaw-utaw sa kadagatan.

Si Christopher Mabia, kinsa nanagat niadtong Lunes sa buntag, Pebrero 24, nakakita og usa ka giabandonar nga jetski.

Gihulagway niini nga tarung pa tan-awon ug magamit pa.

Matod ni Police Major Gerard Ace Pelare, hepe sa Talisay City Police Station, nga sa saysay ni Mabia, nahuna-hunaan dayon niini mao nga dad-on sa baybayon ang jetski ug mo-report ngadto sa mga barangay opisyal ug mga pulis.

Ilabi na nga wa siya kaila kon kinsa ang tag-iya sa sakyanan sa kadagatan.

Sa pakisusi sa kapulisan, nasuta nga iya sa Nalusuan Island Resort and Marine Sanctuary Water Sports Center Cebu ang jetski.

“The owners were then informed of the discovery of the jetski. And came to claim their lost and found jet ski which was carried by the strong currents of the Island,” saysay ni Pelare.

Nasuta nga ang jetski nagkantidad og P700,000 ug nabalik sa mga tag-iya Lunes usab sa hapon.

Si Mabia gipasidunggan ug gihatagan og pinansyal nga tabang usab sa taga resort sa pagkamatinud-anon niini sa sud sa Talisay City Police Station isip usab pasalamat

“This only goes to show that inspite of poverty, Christopher remains to be an honest man. Behind the reputation of Brgy. Tanke lives a man who has dignity and integrity. Christopher personifies the regained dignity of their barangay. With just P300 earning daily, he was not tempted to steal the P700,000 worth jet ski,” dugang ni Pelare.