TCPI, SEDC top taxpayers sa San Fernando

GIILA sa kagamhanan sa lungsod sa San Fernando ang Taiheiyo Cement Philippines, Inc. (TCPI) ug Solid Earth Development Corp. (SEDC) nga labing dako nga mga magbubuhis ug kaabag sa kauswagan sa lungsod.

Gitunol ni Mayor Lakambini D. Reluya ang awards ngadto nilang TCPI Chief Executive Officer Kazuhiko Ichizawa ug SEDC President Dennis B. Tenefrancia atol sa Investors’ Forum sa lungsod didto sa Harold’s Hotel sa Cebu City ni’ng bag-o lang.

Miuban sab sa pagdawat sa managlahing award sila si SEDC Director ug Senior Technical Adviser Hiroyuki Sakakibara, TCPI Vice President Takuya Nose ug Vanessa N. Bongcawil, tagduma sa Community and General Affairs Section.

Gipahimuslan nila Ichizawa ug Tenefrancia ang kahigayunan sa pagbag-o sa pasalig sa duha ka mga kompaniya sa pag-uswag sa San Fernando labaw pa sa pagtuman nila sa mga obligasyon, apan sa ilang pagkamakanunayon nga kaabag sa kaugmaran sa komunidad sa lungsod.

Giila sab sa mayor ang ubang dagkong magbubuhis atol sa maong kalihukan nga iyang gipasiugdahan aron sa pagduso sa pagkatinugyanan sa mga hingtungdan sa lungsod, kasayon sa mga bag-ong magpapatigayon sa ila unyang pamatigayon, ug sa paghiusa nilang mga magpapatigayon.

“Ang pagdani sa pamuhunan sa pribadong sektor sa San Fernando gikinahanglan alang sa pagpukaw ug paghupot sa ekonomikanhong kauswagan,” mipadayag si Neil L. Papas, municipal administrator sa San Fernando, nga mao’y ni-host sa panagtigom.

Gipakita sa maong kalihukan ang kahimtang sa kahusay ug kalinaw uban sa kampanya batok sa gidili nga drugas, ang kamahinungdanon nga anaa ang Cebu Technological University ug sa immersion program sa mga tunghaan, ug mga paningkamot sa pagmugna sa usa ka komunidad nga baskog moatubang kon may katalagman.

Gitaho sab ni Reluya ang mga kalampusan sa lungsod sa tibuok 2019, mga hagit nga nasagubang, ug mga umaabot nga gibugtaw nga mga pangagpas.

Samtang gisaysay sab sa iyang mga sinaligan ang mga umaabot nga imprastraktura, ug kasayon ra nga mamatigayon sa San Fernando.

“San Fernando shines,” mipadayag ang mayor sa iyang pagpalanog sa singgit sa lungsod. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph