SUPERBALITA CEBU

Pulis manakop na sa way helmet

KAPULISAN sa probinsya sa Sugbo manakop na sa mga motorista nga way helmet nga motadlas sa national highway sa kalungsuran nunot sa gipatuman nga discipline zone.

Hatagan nag ngipon sa kapulisan ang balaod nga nagmando sa mga tigmotorsiklo sa pagsul-ob og helmet.

Matod ni Police Colonel Roderick Mariano, hepe sa Cebu Police Provincial Office, nga sugod niadtong Dominggo ilang gidid-an ang mga motorsiklo nga motadlas sa mga national highway nga way helmet.

Pasabot ni Mariano nga ang tumong ug tuyo nila mao ang paghatag og proteksyon sa mga motorista nga malikay sa dakong kadaot kon makasugat og disgrasya.

“Oo lahat naman ganyan naman dapat para maiwas disgrasya. Dahil dyan, sila madidisgrasya eh,” matod ni Mariano.

Iyang gimandoan ang iyang mga ginsakpan nga makig alayon sa mga lokal nga kagamhanan sa pagpatuman sa mga ordinansa sa lungsod.

Giangkon ni Mariano nga di tanang personnel sa matag police station sa kalungsuran gi-deputized sa Land Transportations Office (LTO) aron makaisyug ticket sa mga malapasong motorista.

Apan, mahimo gihapon sila nga makadakop pinaagi sa abag sa lokal nga kagamhanan.

“Kailangan natin ng tulong ng local eh para sila rin tumulong. Kaya ngayon, panay ano ng LTO na mag-conduct ng seminar para ma-deputize lahat," dugang ni Mariano.

Nihatag hinuon siyag konsiderasyon sa mga habal-habal driver nga nagbiyahe sa mga sudlonong bahin sa bukirang barangay sa kalungsuran nga dili na magsul-ob sa dagko nga mga sakyanan.

Apan iyang bahad nga kinahanglan nga adunay lisensya ang driver ug di motadlas sa national highway nga way gisul-ob nga helmet tungod kay dakpon sa mga pulis.

Niadtong Dominggo, gilusad sa CPPO ang dungan nga check point sa tibuok isla sa Camotes uban ang LTO 7 isip kabahin sa pagpatuman sa discipline zone.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph