SUPERBALITA CAGAYAN DE ORO

40 membro sa MILF nadakpan apan gibuhian dayun

(Bukidnon PPO)

SIKOP sa kapulisan ang giingong mga membro ug sakop sa Moro Islamic Liberation Front (MILF) niadtong Lunes, Pebrero 24, mga alas 3:00 sa hapon sa Barangay Tikalaan, lungsod sa Talakag, Bukidnon.

Naglusad ang kapulisan sa Talakag Police Station sa pagpanguna ni Police Captain Dominador Orate ug ang Libona Police Station og Simultaneous Aggressive Police Operations (SAPO) nga miresulta sa pagkasikop sa 40 ka mga membro.

Giingong kini sila sakop sa MILG 118 Von Bashier Unit sa Camp Badar Talangan Maguindanao ubos ni Abdulbasser Sulaiman Tahir Base Commander.

Ang mga dinakpan residente sa Nunangan, Datu Angal, Midtimbang, Maguindanao kinsa

sakay sa Isuzu ELF truck nga kolor yellow nagdala sa plaka MFL 879 narehistro ug gimaneho ni Abdullah Ladsuman Sangkay, 56, taga Linamonan, Alayan, Maguindanao.

Sa imbestigasyon giingong ang reinforcement sa MNLF Camp Madaya Basak Talakag, Bukidnon nga giingong nalambigit sa pagpamusil niadtong Pebrero 21, 2020.

Nakuha sa ilang posisyon ang usa ka M-14 US rifle 7.62mm; usa ka fragmentation grenade, usa ka kolor itom nga bandolier sa M-14, usa ka kolor itom nga handheld radio Baofing Brand, unom ka magazine sa M-14, 50 ka buhing bala ug nagkadaiyang identification card.

Matud ni Orate nga mga alas 12:00 sa tungang gabii mipataliwala ang mga personahe sa Office of the Presidential Adviser on the Peace Process (OPPAP) hinungdan ila kining gi-release nga natapos alas 4:00 sa kadlawon. “Wala man sila resistance kay nagpaila sila ug nagsalig sila nga naay negotation sa MILF ug atong gobyerno karon panahona,” matud ni Orate.

Magpabilin sa kostudya sa kapulisan ang mga armas nga nakumpiska gikan kanila.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph