SUPERBALITA CAGAYAN DE ORO

17 anyos wala naghikog apan gipatay?

GIIMBESTIGAHAN karon sa kapulisan sa Jasaan Municipal Police Station ang taho kalabot sa usa ka 17 anyos nga unang gika-report nga naghikog gamit ang liston diha sa Barangay Jampason, lungsod sa Jasaan, Misamis Oriental.

Sa interbyu sa SunStar SuperBalita kang Police Captain Danilo Calurasan, ang hepe sa Jasaan Municipal Police Station, iyang gibutyag nga ila kining giimbestigahan karon panahona apan dili pa masulti kung kini gipatay ba susama sa gipamugos sa pamilya niini.

Nagkatap sab diha sa comment sa social media nga gikan lamang kining biktima nga nag-zumba niadtong tungora.

Giingong gipatay kini ug gipasumanginlan nga hiktan og liston aron mogawas nga naghikog. Apan kining tanan ubos sa imbestigasyon sa kapulisan.

“Mao kana ang atong giimbestigahan karon ug kagahapon gi-request dayon namo nga ma-autopsy kay kung mogawas ang resulta didto ta magbasi kung tinoud kini nga gipatay,” butyag ni Calurasan.

Sa nagkatap nga report, giingong nakasibat ang suspetsado apan matud ni Calurasan nga person of interest lamang ilang matawag niini labina padayon ang imbestigasyon.

Kung mapamatud-an nga gipatay ang biktima, usa ka regular filing sa kaso ang ilang ipasaka aron pagukod sa suspetsado.

Kahinumduman, naukay ang pamilya sa biktima dihang nagbitay kini gamit ang liston sulod sa ilang puloy-anan ug dihang gisuwayan og dala sa Jasaan Community Hospital gideklarar nga dead on arrival.

Sa laing bahin, nanawagan si Calurasan sa mga batan-on nga kung naghambin og depresyon i-share kini kanunay sa ilang higala ug pamilya aron sab kini sila matambagan sa insakto.

Reaksyon kini ni Calurasan human dili lang kini ang unang insidente sa hikog ang natala sa maong lungsod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph