ANG kinse-anyos nga Kate Heseltine V. Quiñones ang buwena-manong Miss SunStar Superbalita Balita Readers’ Choice Awardee karong 2020.
Si Quiñones nga taga-Ecoland Times Beach Road, dakbayan sa Davao, usa lamang sa mga partisipante sa Millionaires Top Model 2019 sa Success Formula International (SFI) Marketing, sa kompetisyon nga gihimo, Pebrero 23, sa NCCC Mall Buhangin Activity Center.
“I joined Millionaires Top Model because I want to show my talent and who am I and to boost my confidence,” niya dihang gipangutana unsay nagtukmod niya nga moapil sa kompetisyon.
Nagtungha sa Rizal Sped Learning Center, dream sa Grade 8 nga si Quiñones nga mahimong pediatrician.
Ang kinamaguwangan sa tulo ka magsuon mahiligon sa pagbiyahe, pagpaminaw sa musika ug pagsalmot sa mga modeling contest.
“I started joining pageants when I was 4 years old,” suma niya sa pakighinabi sa Superbalita Davao.
Idolo ni Quiñones ang maga beauty queens nga sila Miss Universe 2015 Pia Wurtzbach ug 2019 Miss Universe Catriona Gray.
Di na bag-o sa natad sa beauty pageants si Quiñones, diin ubay-ubay na sab ang titulong naangkon niya.
Sama sa “Miss Intramural 2017” ug “Miss Intramural 2019” sa iyang tunghaan.
Di sab masukod ang gibating kalipay sa dalaga nga siya ang napiling Reader’s Choice sa SunStar ug Superbalita Davao.
“I didn’t expect that I will win this kind of opportunity but now that I have and own this opportunity I would like to say thank you for my very supportive family and friends and many more for supporting me.”
Nakuha sab ni Quiñones ang Pageant Online Voting Award, Scholarship Certificate gikan Saint Helena Garden College and Technology Inc., ug ubang freebies gikan sa sponsors.
Parte sa dream niya nga puhon makasalmot sa mas dagkong kompetisyon aron mas mapakita pa niya ang iyang abilidad.
“My future plans is paying back all the sacrifices of my family and to give them a beautiful life just like what they gave me and I wish that someday I will become a professional Top Model.”