DEAR Noy Kulas,
Good day! Ako diay si Berm, taga Mandaue City. Kining akong problema kabahin ni sa akong lovelife nga ambot, lisod i-describe.
Naa koy uyab kaniadto nga ato lang nganlan og Alma. Mga three years mi nga nagkauyab until ang iyang family ni-migrate sa laing nasod. Naa niya tanan sa akong gipangita sa usa ka babaye. Bisan mga four years na nga wala siya, siya lang gihapon ang gi-beat sa akong heart.
Mga upat ka tuig na ang milabay, mga pito na ka relationships ang akong nasudlan, but wa ni mo-last kay ang akong gipangita. Until now, nagsige gihapon ko og handom niya bisan kon sa akong nahibaw-an, nagminyo na siya. Nagsige ko og pangita niya sa social media pero wa siya. Sakit kaayo nga huna-hunaon nga sa kataas sa among panahon kalit ra siyang nawagtang ug until now, wa magparamdam.
Unsa ang akong buhaton, Noy, aron maka move on na ko? Ngano kaha ni nga naglisod ko pagkalimot niya?
Berm
Berm,
Naa koy nailhang mga kaso nga sama sa imoha, mga lalake nga naglisod pag move on sa ilang past relationship. Kanang naa gyuy usa nga mo standout. Naay mga kaso nga dunay feeling nga wa mapagawas kaniadto, unya later in life na nadiga sa usa. Unya nagkaatol nga mutual diay ang feeling sa duha. Mikayo dayon. Ang uban ani nahitabo sa mga reunion.
Busa, di ikahibung nga naa ka aning lasting feeling, labina kay way closure ang inyong relasyon. Naigo ka sa babaye nga sud sa dugay nga katuigan, imong gihigugma nga way paglubad bisan sa sinugdanan pa lang. Bisan unsaon natog likay, naa gyuy mga babaye o tawo nga maoy makaigo ug makatuhog og maayo sa atoang kasingkasing. It’s like we are addicted ta sa ana nga tawo.
Maybe moabot ang panahon nga magkita mo, magkaestorya ug matuldokan ang inyong relasyon nga naputol sa iyang paglangyaw sa laing lugar. Unya wa na siya mo-contact nimo. Ug aron duna kay space of mind, why not look for her e-mail address and send her a line or two or suwat nga samag blog ka taas. Ipagawas ang tanan mong gibati. Mosuwat man siya o di, respetuhi na lang ang iyang pagpakahilom. Ang tanan dunay katapusan. Basin moabot na in this lifetime.
Noy Kulas
rojval69@yahoo.com ug kulassuper@sunstar.com