IMAGINA ang mga classic hit ni Michael Jackson, Stevie Wonder ug ang tagming nga tingog sa ex-Southborder vocalist Brix Ferraris...
Mao na ang kumbinasyon sa timbre ug vocal range sa Visayan soul-RnB vocalist-songwriter Aldwin Rondina.
Ang iyang biggest break pag-early 2000s dihang nag-No. 1 for 8 consecutive weeks sa UR105 FM ang iyang original composition nga “Wish” ug nahimong most requested sa Killerbee, Monster, ug Y101.
Nihimo usab siya’g kasikas dihang naapil ang iyang kantang “Far Away From Me” sa soundtrack sa trilogy film nga “Angels” starring Angel Locsin ug Jennylyn Mercado niadtong 2007 ug isip bokalista sa “Lick” nga contemporary niadto sa Cueshe.
Ang iyang `AOS and The Sesh Boyz band’ na-featured usab karong bag-o sa Wish 107.5 Bus diin iyang gikanta ang hit single niyang “Battlefield.”
Lima na sila katuig sa AOS... kun “Aldwin of Soulstring” kansang pangan inspired sa una niyang banda nga “Soulstring.”
Apan si Aldwin nagpabiling low-profile bisan sa mga offer nga iyang nadawat sa Manila.
Usa sa mga rason nganong maglisud siya og biya sa Sugbo tungod sa iyang trabaho isip ESL Teacher or `English as a Second Language’ sa mga foreigner sa Center For Premier International Language Studies (CPILS) sud na sa 17 katuig.
Ato siyang mas ilailahon sa atong up-close and personal interview. Aldwin Rondina, Sssuper Ka!!!
How do you balance your daytime job and your passion for music?
As ESL teacher, I work from 8 to 5 on weekdays. So maka-gig pa ko ug functions sa gabie and of course sa weekends.
Unsa inyong mga repertoire?
Kasagaran mga 90s or early 2000s nga songs like Waterfalls, Weak, No Diggity, Fire, You Gotta Be, Angel Of Mine, etc.
Asa mo tigtukaran?
Sa Handuraw Events Cafe sa Mango Square. For gig updates, i-like ug follow lang among Facebook page nga AOS and The Sesh Boyz ug ang among production outfit nga SC Twenty One Three.
Kinsay imong musical influences?
Nagdako gyud ko sa Beatles, Shirley Bassey, Carpenters, Air Supply, Angela Bofill, Jackson 5, to name a few kay maoy pirme ipatukar sa akong parents. Pero singing-wise ug phrasing, Stevie Wonder ug mga male ug female Motown artists kasagaran.
Giunsa nimo pagsugod sa music industry?
Nasulud ko sa industry tungud gyud ni Jerros Dolino, one of the former percussionists of Urbandub. Unya naapil ko kadiyot sa banda nga Guff And A Bit Of Acid. Usa sa mga bandmates nako ato nga si Prudence Salutillo, na-gitarista nako sa Soulstring kuyog si Marc Piramide nga among percussionist. Naa sad koy nabanda kadiyut nga gi-manage ni anhing Orly Cajegas (kanhi Sunstar.Weekend Magazine writer).
Major shows, so far?
Daghan actually. Sa MTV Philippines, Concert sa Southborder sa Cebu City Sports Complex, Jay-R sa Waterfront, MYMP sa Ayala, Richard Poon sa SM ug recently sa Wish 107.5 Bus.
What inspires you to write songs?
Mostly mga figments sa akong imagination ug experiences sa ubang tawo ug sa ako-a sad. I started with songwriting since college.
Asa ni available imong mga kanta?
Sa Spotify ug Apple Music such as Wish, Far Away From Me, Worth The Wait (with Soulstring) and Battlefield (radio edit and laid-back versions with AOS and The Sesh Boyz.)
Taga-asa inyong kagikan?
Taga-Ormoc City gyud ko pero after ko ni-graduate sa University of San Carlos with a Bachelor’s degree in Political Science, sa Cebu na ko nag-base.
How do you describe yourself?
I’m basically outgoing. Basta ganahan ko nimo, pasok naka’s friend’s list. Di ko ganahan og arogante nga tawo labi na og music artist ka. Mas mobilib ko kung talented ka pero ‘tawo’ gihapun og lihok ug mutagad, di pa-superstar treatment. Hehe. Recognition is better than popularity.
As one of the veterans in the industry unsay imong wish?
To be able to help struggling music artists achieve their dreams. Sa akong kaugalingon, malipay na ko madungog lang sa uban ang akong mga kanta.
Are you in a relationship?
Yes. With my music. Haha...