SAMTANG nagkalapad ang pag-uswag sa Globe sa digital transformation sa nasod, laing makasaysayanon nga partnership na usab ang gisudlan niini tali sa kagamhanan sa siyudad sa Iloilo.
Ang panag-alyansa nahimong pormal atol sa bag-ohay lang nga courtesy visit sa mga opisyal sa Globe sa Iloilo City Hall.
Ang seremonyas gipangulohan ni Globe President ug Chief Executive Officer Ernest Cu ug Iloilo City Mayor Jerry Treñas kuyog ang ubang kadagkuan sa Globe ug mga opisyal sa siyudad.
Pinaagi sa formal partnership, ang telco giant mopakusog sa wifi services niini sa nag-unang mga dapit sa dakbayan pinaagi sa iyang Kapitwifi ug GoWifi services.
Ang KapitWifi mao ang labing barato nga wifi service sa komunidad nga nagtugot sa mga kustomer sa yano nga pag-connect ngadto sa hotspot, pag-purchase og promo, ug ang pag-enjoy sa surfing.
Barato lang kini nga serbisyo ug way binuwan nga mga bayranan ug device cash outs ug available sa tanang mobile users bisan kon unsa pa ang network provider.
Sa kantidad nga P50, ma-enjoy na sa mga kustomer ang hangtod sa 6GB nga data allocation sud sa tulo ka adlaw. Kini nga serbisyo available na karon alang sa 800 ka households nga naa sa bisinidad sa Barangay Lanit.
Laing public wifi service sa Globe, ang GoWifi, ang available na usab karon sa nag-unang mga lugar sa siyudad. Naglakip kini sa City Hall of Iloilo, Sunburst Park, Freedom Grandstand, Iloilo International Airport, ug Iloilo River Plains Integrated School sa Brgy. Lanit.
Gawas sa paghatag og libre nga wifi access sa palibot sa tunghaan, ang GoWifi mao usab ang nag-power up sa computer lab sa maong integrated school pinaagi sa unlimited internet access aron matabangan ang mga estudyante sa ilang digital learning experience.
“We are honored to become the trusted partner of Mayor Jerry Treñas and all constituents of Iloilo in the city’s digitalization journey,” paambit ni Globe President & CEO Ernest Cu. “This partnership helps us stay on track in our continuing mission of bringing first world Internet access to more homes and communities in the country.”
Ang KapitWiFi kay available na usab karon sa pinili nga mga lugar sa Visayas area sama sa Iloilo, Cebu ug Tacloban. Plano sa Globe nga palapdan kini sa ubang mga dapit sa tibuok nasod sud ning tuiga. Samtang nagpadayon usab ang ekspansyon sa GoWiFi sa tibuok nasod labi na sa high-traffic areas sama sa malls, hospitals, ug mga tunghaan alang sa maayong nga kalidad sa internet connection accessible ug barato alang sa mga Pilipino.
Kini nga serbisyo available na karon sa 2,700 ka mga dapit nga dunay gipaspason hangtod sa 100Mbps, mag-agad sa coverage area. (PR)