ALLEN, Northern Samar - Nasikop sa Philippine Coast Guard (PCG) ang usa ka bus driver gumikan sa ilegal nga paghupot og armas.
Nakuhaan usab ang suspek og mahait nga hinagiban nga gitawag og ‘dipang’ ug pinutos nga marijuana.
Giila ang suspek nga si Eduardo Ansit, 48, minyo, driver sa bus,nagpuyo sa Barangay Crossing, San Isidro, Leyte.
Si Ansit nasikop sa pantalan sa Balwharteco, Barangay Looc ning lungsod.
Ang suspek giingon nga naglingkod sa VIP seat sa bus atol sa panelling inspection diin kauban sa PCG ang K9 units.
Sa inspeksyon, nakuhaan si Ansit og usa ka kalibre .38 nga revolver ug unom ka mga bala, usa ka dipang nga 11 pulgada ug nilikit nga marijuana ug aluminum foil. (JKDP)