SUPERBALITA CAGAYAN DE ORO

Negosyong mushroom sa kinabuhi sa kanhi NPA

GUMIKAN sa paspas nga prudoksyon ug ka in-demand sa market sa “mushroom” o gitawag nga kabute ug uhong nakapausab kini sa kinabuhi sa mga kanhi miyembro sa New People’s Army (NPA) nga karon nibalik na sa sabakan sa gobyerno.

Ang 20 ka kanhi mga sakop sa NPA nga misurender ubos sa 58th Infantry Battalion sa pagpangulo pa kaniadto ni Lieutenant Colonel Roy Anthony Derilo ang niatiman na karon panahona sa Mushroom Production nga makita sa lungsod sa Claveria Bukidnon.

Si Gladys B. Barbosa, usa ka mushroom grower ug producer sa Glenalbee mushroomm farm, maoy nagsilbing giya sa mga walhong grupo aron sila mahatagan ug saktong panginabuhian samtang sila nibalik na sa komunidad.

Matud ni Barbosa sa Sun.Star Superbalita nga mga mag-uuma ang iyang gipangita apan ang labawng makagagahom maoy nihatag kaniya niining mga kanhi miyembro sa walhong grupo.

“Sa awa ng diyos nagpokos ako sa kanila kasi before this former rebel came into my life ang sabi ko sa DA, I want to reach out sa mga poor farmers ngunit former rebels ang ibinigay sa akin...Binigyan ako ni Lord ng former rebels,” butyag niini.

Isip trainor ug processor nagsige kini og balik-balik sa kampo sa 58IB aron ma-train kining mga walhong grupo ug iya kining gitutokan.

“Hindi magiging succesful ang gusto kong mangyari sa mga former rebels kung hindi ko tutokan,” dugang niini.

Bulan sa Septiyembre tuig 2019 nagsugod ang produksyon niini human ang kasundalohan, suportado kini nga programa.

Adunay greenhouse nga gitukod aron didto ang production sa mushroom mahitabo ug i-harvest.

Sulod niini karon panahona ang kapin usa ka libo nga mga fruiting bags diin moabot ngadto sa unom ka bulan ang pag prodyus niini sa mushroom.

Tungod sab sa kabugnaw sa lugar sa Claveria swak kaayo ang cultivation niini.

“If you have a thousand fruiting bags, you will have 5 kilos a day, kahit every week ang production,” matud niini ug miingon nga mokabat sa tag P400 ang presyo matag kilo samtang mapalit sab ang fruiting bags og P45 ang usa.

Dugang niini nga gikinahanglan lamang kaayo sa mga kanhi rebelde ang insakto nga paningkamot tungod kay anaa ang kwarta sa kabute kung sila magkugi.

Si Barbosa aduna sab kaugalingon nga Mushroom farm ug facility sa Dahilayan sa lungsod sa Manolo Fortich, Bukidnon ug mushroom farm sa puloy-anan niini sa Iponan, dakbayan sa Cagayan de Oro.

Ang mga prudoktong mushroom niini sama sa mushroom chicharon ug uban pa ang anaa na usab sa mga pasalubong center dinhi sa siyudad ug bisan sa mga kasikbit nga lugar.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph