SUPERBALITA CAGAYAN DE ORO

Todino: Pagbasa og Bibliya sa tunghaan

Pro Bono

SUPAK sa batakang balaod sa nasod kining giduso ni minority floor leader Bienvenido Abante Jr nga House Bill 2069 kon balaodnon nga “Mandatory Bible Reading Act of 2019, nagpasabot nga himoong kabahin sa mga tunghaang publiko kining paggamit sa Bibliya.

Gipasabot ni Joseph Noel Estrada, usa ka abogado ug education advocate, nga kon gamiton na ang resources sa gobiyerno pagpatuman sa maong program dako na kining kalapasan sa Constitution.

Hinuon, gitin-aw usab ni Estrada nga gitugot ang paghimo sa mga relihiyosong tulomanon sulod sa mga ahensiya ug buhatan sa gobiyerno.

Gani, makita man nato karon nga dunay mga relihiyusong pundok nga gitugtan ug girespetohan sa gobiyerno ang ilang mga tinuohan.

Kon mopasar kining balaodnon ni Abante, ang Departamento sa Edukasiyon mao unya ang mohimo sa regulasiyon unsaon niini pagpatuman diha sa mga tunghanan.

Maayo ang tumong ni Abante sa iyang balaodnon. Segurado nga mouyon sab si Estrada niini. Apan, dunay bikil diha sa balaod nga nagbuwag sa estados ug sa simbahan.

Unsa man ang mahimong compromise niining maong balaodnon aron maimplementar kini apan dili sab masupak ang prinsipyo sa pagbuwag sa estados ug sa simbahan?

Usa sa mga concern ni Estrada mao nga kon mogahin na og pundo ang gobiyerno aron ipalit og Bibliya ug i-apod-apod ngadto sa mga tunghaan, nan, kana maoy usa sa basihanan nga nagsupak na kana sa batakang balaod.

Sa pagkakaon, tingali daghan nang mga non-profit organization ug mga Christian value oriented groups o bisan mga relihiyusong pundok nga gustong mobuluntaryo pagdonar og mga Bibiliya.

Dili man tingali kaayo lisod ipatuman ang balaod kon hisgutan ang pagpalit og mga Bibliya. Nakaseguro ta nga dunay mga pribadong institusiyon ug organisasiyon andam nga moabag aron lang maduso kining pagbasa og Bibliya diha sa mga tunghaan.

Kon seryuso atong gobiyerno, labi na ang mga magbabalaod sa pagkab-ot og kahapsay ug kalinaw sa atong palibot, nan, sugdan nato diha sa kabataan pagtuon sa pulong sa Dios.

Mangita ta og paagi nga maduso kining balaodnon nga mohaom sa balaod nga dili sab makasupak sa prinsipyo sa panagbuwag sa estados ug simbahan.

Tingali ang mosupak niining balaodnon mao kadtong wala magtuo sa Ginoo. Apan, dili ikatingla nga dunay mobaraw sama ni Estrada apan kana gumikan sa katarungan nga nasupak sa Constitution.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph