SUPERBALITA CEBU

Rapist sa 3 anyos nasikop; hayan may laing kaso

NANGLUGOS OG BATA? Si Marlito Pardillo, 48, gibalhog sa Pardo Police Station sa Cebu City human gireklamo sa usa ka amahan sa tres anyos nga babaye nga nanglugos sa iyang anak niadtong hapon sa Pebrero 26, 2020. (Benjie B. Talisic)

SANGKO sa langit ang kasuko sa usa ka amahan dihang iyang nahibaw-an nga gihilabtan sa ilang silingan ang iyang tres anyos nga anak babaye.

Ang suspek nga si Marlito Pardillo, 48, alyas Pokoy, nadakpan sa kapulisan sa Pardo Police Station ug pasakaan og kasong rape.

Si Police Major John Kareen Escober, hepe sa Pardo Police Station nga nahinabi sa Superbalita Cebu, niingon subay sa pag-imbestigar ni Police Corporal Mary Claire de la Victoria sa Women and Children’s Protection Desk (WCPD), nga ang giingong pagpanglugos nahitabo niadtong hapon sa Miyerkules, Pebrero 26, 2020.

Giingong alas 4 sa hapon nadiskobrehan sa amahan ang nahitabo sa anak.

Matod ni Nestor (di tinuod nga ngan),amahan sa bata nga si Gladys (ngan gipugngan), si Pardillo nisud sa ilang balay kay dunay kuhaon.

Dali kining nawagtang ug sa iyang pagsud sa ilang balay, naghilak na si Gladys.

Dihang iyang gipangutana kon nganong naghilak, nihikap kini sa iyang bugan ug niingon nga sakit.

“Ako kompiyansa ra kaayo ko kay silingan lagi. Mao to sa akong pagbalik, naghilak na man akong anak, mao to nga natingala na ko,” asoy ni Nestor sa Superbalita Cebu.

Pagsusi ni Nestor, dunay duga ang senina sa iyang anak hinungdan nga nangayo siyag pakitabang sa mga barangay tanod.

Gidakop si Pardillo pinaagi sa citizen’s arrest ug gidala sa Pardo Police Station.

Sa imbestigasyon sa WCPD, nitumaw nga ang tudlo ni Pardillo gipasok sa kinatawo sa bata.

Matod ni Escober nga lugos gihapon ang gibuhat ni Pardillo ubos sa balaud.

Si Pardillo, sa iyang habig, nanghimakak nga iyang gihilabtan ang bata.

Dugang ni Pardillo nga bisan ang amahan niini, saksi nga di siya ang gitudlo sa bata.

Dugang ni Pardillo nga natinga lang siya nga gidakop siya og kalit sa mga barangay tanod.

Ang Pardo Police Station magpakisayod sa Mambaling Police station human sila nakadawat og kasayuran kalabot kang Pardillo nga dunay laing kaso nga may labot sa pagpanghikap ug dunay warrant of arrest.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph