SUPERBALITA CEBU

Talk to Papa Joe: Bawos bawos

DEAR Papa Joe,

Ako si Alan. Mangayo lang ko og tambag.

Naa koy asawa nga may edad na kay sa nako. Baynte tres ka tuig ang agwat sa among edad. Ako 27 pa samtang siya 50. Unya nakasala ko niya kay nakig-ipon kog batan-on karon. Wala pud ko kabalo, nibawos diay siya.

Nagbulag man mi sa batan-on unya nagbalik mi. Iya pud kong gidawat. Pero sa dihang nag-ipon mig balik, naa koy nahibaw-an nga nakaagi siya og lain unya nag-ipon sad sila. Unya karon nibalik man ko, unya nagbalik mi.

Pero naglibog ko kon angay pa ba gyud ko magpadayon niya. Unsay angay nakung buhaton? Please tambagi ko. Naglibog ko sa akong kaugalingon. Matod pa niya nga di siya mag-ingon ato kon dili tungod sa akong gibuhat. Kasado diay mi.

Alan

Alan,

Tinuod, di nimo siya mabasol though di sad mao na nga tugbangan niya imong gibuhat. Pero nainsulto siya ug may panginahanglan sad siya isip tawo. Buot hunahunaon patas ra mo.

Ngano gud tawon nga maglibog ka nga ikaw may nagbuhat ana og una. Dili sa ingon nga kay babaye siya, hugaw na lang siya.

Pareho ra ta, tawo, ma babaye man o lalake. Unta pangutan on nimo imong kaugalingon og unsa ba gyud ang rason, hinungdan ug obligasyon nganong nagpakasal ka og babaye nga maguwang nimo og edad.

Kay kon ang rason kay pabor ra sa imo, aw, way padulngan ang inyong pagbalik niana. Kay ang mga tawo nga nakabasa ani, makaingon nga basin naa kay giapas ani niya kay dako kaayo mo og gap. Huna-hunaa sa,ug daghang salamat.

Papa Joe

(sa inyong tampo ipadala lang sa papajoesuperb@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph