SUPERBALITA CEBU

Kyaw-Kyaw: Ug sa dihang... Way nahims!

SA AKONG obserbasyon, may maayong gihatag ang kontrobersiya bahin sa renewal sa prangkisa sa ABS-CBN: nagkahiusa ang mga media outlets ingon man ang mga sakop niini.

Kini tungod kay ilang nakita nga kon masirad-an gyud ang Kapamilya Network kay wala gi-renew ang prangkisa, di kini maayong tilimad-on sa industriya sa pagpamantala ug pagpanibya.

Mao nga nipakita og simpatiya ug suporta ang National Union of Journalists of the Philippines ug Kapisanan ng mga Brodkaster ng Pilipinas lakip na ang karibal sa Kapamilya Network, ang Kapuso Network o GMA 7.

Sa mga artista nga nipagawas sa ilang hunahuna ug gibati, nakakuha sa akong pagdayeg ang kang Agot Isidro nga iyang gitumong kang Speaker Allan Peter Cayetano.

I-Google na lang ninyo kon unsa ang tukmang mga pulong ni Agot aron di ko mapasanginlan ninyo nga nagbuotbuot. Anà!

Nakaani og mga pagdayeg ang Presidente ug Chief Executive Officer sa Kapamilya Network nga si Carlo Katigbak sa gipakita niining kakalma ug kamaayo mosulti atol sa hearing sa Senado niadtong Lunes.

Hinaut nga maayo ang resulta niining mga kalambuan ug magpadayon ang serbisyo sa ABS-CBN sa mga madlang pipol. Anà!

•••

Tingali wala pay bayente anyos si Sarah Geronimo niadtong nakaistorya sa taga media sa Cebu dihang nag-promote kini sa mga butang pagwapa ni Dr. Vicky Belo.

Syempre, di pa sila ang manag-uyab si Matteo Guidicelli niadto pero consistent na ang Mommy Divine ni Sarah sa paghigpit sa iyang anak kon uyab-uyab ang hisgutan.

Mao to ang hinungdan nga akong gipangutana si Sarah kon wa ba kini mobati nga gihikawan siya sa mga butang nga angay unta ma-enjoy sa mga batan-ong babaye sama niya.

Sanglit buotang anak, nitubag si Sarah: ‘Di naman po.’ Pero nakapanglantaw ko nga kon magpadayon ang susamang pagtratar sa iyang mama nganha niya, moabot gyud ang higayon nga magrebelde kini.

Nahinumdom pa ko nga na-isyu kaniadto ang pagpaputol og buhok ni Sarah nga wa ikahimuot sa iyang mama. Gisundan kini sa mga lakaw ug bakasyon nga wa pakuyoga ang inahan.

Ug karong bag-o lang, giingong nag-hysterical ang inahan sa lugar diin gikasal si Sarah ug Matteo. Ug sa dihang...! Way nahims! Unsaon ta man?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph