SUPERBALITA CEBU

16 ka durugista nasikop tungod sa Luage group

DUGANG 16 ka mga tawo nga nasutang nalambigit sa ginadiling drugas nasikop sa sunod-sunod nga anti-drug operations sa sitio Mananga 2, Barangay Tabunok, Dakbayan sa Talisay, Huwebes sa buntag, Pebrero 26.

Kini tinabangan na usab sa gihatag nga mga impormasyon sa mga dugang ning-surrender sa Talisay City Police Station nga giingong mga sakop sa Luage Drug group.

“The dismantling of Luage Drug Group has led to a number of illegal drug surrenderers who gave information of the illegal drugs trade and use in Sitio Mananga, Tabunok, Talisay City. After validating the information, Oplan Limpyo Talisay was conducted targeting drug personalities in the area,” saysay ni Major Gerard Ace Pelare, hepe sa TCPS.

Alas 5:30 sa buntag unang nangasikop sila si Jemboy Banguisio, Kevin Abacahan, John Vincent Servando Gamboa, Darin James Abalo ug si Welbert Barliso.

Nakuhaan sila og 1.8 gramos sa ilegal nga drugas nga gibana-banang mobalor og P12, 240.

Milabay ang 30 minutos, nasikop usab sila si Bryan Coa, Rafael Banguisio, Jester Icoy ug si Justin Sabanal.

Nakuha gikan kanila ang 1.55 gramos sa shabu nga mokabat sa P10, 540.

Alas 8:50 sa buntag nasikop si Rolando Tribunalo Aldave sa follow-up operation.

Sa gihimo nga buy bust, alas 10:15 sa buntag, nasikop sila si Jonas Basalo, Derwin Nuñez, James Camos, Richard Sapanta, Angelo Ababon ug Enjimar Laborada.

Ang 16 giila nga bag-o lang sa illegal drug trade o newly identified individual ug mga street level pusher lang.

Apan wa na magpaabot pa ang kapulisan nga makadaku pa ang ilegal nga patigayon sa tinguha nga hingpit na mapuhag ang ilegal nga drugas sa siyudad. Gikatakda sila nga pasakaan og kaso sa Biyernes, Pebrero 28. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph