ANG mga negatibong komento sa mga netizens sa social media maoy posibling nakatampo sa desisyon ni Greg Slaughter nga molaylo lang una sa basketball.
Kini maoy pagtuo ni Barangay Ginebra coach Tim Cone, kinsa mipadayag sa iyang respeto sa desisyon sa kanhi No. 1 draft pick nga mobakasyon lang una aron paghatag og igong panahon sa iyang kaugalingon.
Ingon ni Cone nga nagkinahanglan sab og pahuway si Slaughter aron paglimpiyo sa iyang hunahuna.
“I think he really needs to take a mental break,” matod ni Cone nga nakutloan sa Spin.ph kagahapon atol sa PBA Media Day sa Okada Manila. “He wasn’t treated well on the internet as we all know. I think that just kinda weigh on him and, more importantly, weigh on his family.
“I think that with the blessing and encouragement of his family, they want him to take a break.”
Giangkon ni Cone nga iyang gikasurprisa ang pagpahibawo ni Slaughter sa Instagram ang iyang desisyon bisan tuod og una na siyang gipahibawo niini sa maong plano sa higanting Sugboanon.
“He talked to me during the exit meeting. And he and I had talked about scheduling a meeting with upper management. There was mention that you need to tell to upper management. But I don’t know what happened after that.
“I think that when you are going to make a decision, you let everybody know before you let everybody know publicly. And that didn’t happen,” dugang ni Cone. (JBM)