ANDAM na kaayo nga morampa sa prestihiyosong pageant nga mao ang gitakdang Miss Universe-Philippines 2020 ang pambato nga nagdala sa pangalan sa lalawigan sa Misamis Oriental nga mao si Caroline Veronilla kinsa lumad nga taga lungsod sa Balingasag, Misamis Oriental ug nagpuyo sa Balulang ning siyudad sa Cagayan de Oro.
Excited ang 25 anyos nga trabahante sa World Vision Philippines nga si Caroline nga mapaabot sa national platform iyang adbokasya pagprotehir sa kabataan kung diin ang pag-apil sa pageant ang lima ka tuig kini niyang gipangandaman.
“Actually I join Miss Cagayan de Oro way back 2015 but I had to go to Manila kay naa man tay oportunidad didto nga mas makatabang pa sa lain tao so ga work ko sa World Vision Philippines nga gatabang sa mga vulnerable children all over the country,” matud ni Veronilla ug ang paglakip sa labing unang kompetisyon sa Miss Universe ang iya gyod nga gipangandaman.
“Five years since my last competition and this one is national pageant and I really took the time nga ma hone atong skills dili lang sa pagstorya, atoa pod lawas para physically ready ta, atong mind trained to answer different questions,” matud sa pambato sa Misamis Oriental.
Gibutyag sab niini nga importante nga nalampasan kini nga hagit nga alang kaniya dili niya makaya ug tungod sa mga tao nga sobra naghigugma kaniya ug nakasuporta mas dugang kadasig pa ug kaikag nga molakip ning maong kompetisyon.
Dugang ni Caroline nga dako kaayo og tabang alang kaniya nga nakatrabaho sa World Vision Philippines.
“Five years ta nga nagtrabaho para sa mga bata kay mao na atong advocacy. Kay gusto man gyod nato matabangan ang mga bata mahatagan sila og oportunidadd dili lang kutob nga mapaeskwela sila but they are taken cared of nga healthy sila, ilang pamilya naay trabaho ug layo sila sa disgrasya,” dugang niini.
Si Caroline migradwar og Bachelor of Science major in Development Journalism sa Xavier University nga magna cumlaude, nahatagan og award isip outstanding leader sa programang Sowing Young leaders for Service.
Anaa na usab sa kasing kasing ni Caroline ang pagtabang hilabina pag-abot diha sa iyang pamilya. Naningkamot kini karon nga makakita og pundo masustinihan lang ang pagpatambal sa gihambin karon nga sakit sa iyang igsoun nga si Lanie kinsa gi diagnosed og Non-Hodgkin’s Lymphoma usa ka talagsaon nga klase sa kanser. Gani, stem cell donor kini karon panahona sa iyang igsuon.
Ang siyudad sa Cagayan de Oro probinsya sa Misamis Oriental maoy iyang gidala sa national stage kay gibutyag niini dinhi siya nagdako ug nagikan.
“Karon makita nako ang opportunity nga irepresentar dili lang akong kaugalingon apan akong pamilya,”matud niini.
Game sab si Caroline nga gitubag ang mga pangutana sa mga kanhi nangdaog sa Miss Universe pageant ug usa niini mao ang “What do you think men can learn from women?”
Tubag niini: Women are multitaskers, I have seen it in my mom, I have seen it with my sister and with my friends here. They can multi task whether it is work or at home or in school managing not just mental but physical and also emotional stress. I think that men can learn from women,”