DEAD on arrival nga gideklarar sa mga doktor ang usa ka babaye human naghikot og panapton sa iyang liog ug nagbitay sulod sa Maharlika Detention Cell sa Barangay Carmen, dakbayan sa Cagayan de Oro.
Ang biktima giilang si Cecille (bansagon gitago), dalaga, kinsa nag-atubang og kasong pagpangawat.
Sa inisyal nga imbestigasyon, nakita si Cecille sa security guard sa Unitop sa maong barangay nga nagkuha og nagkalain-laing grocery mobalor og P2,352 niadtong gabii sa Lunes, Pebrero 24.
Gidala kini sa prisuhan sa Maharlika Detention Cell aron hingpit unta nga pasakaan og kaso ug temporaryong gidetanar. Apan alas 7 sa buntag Huwebes, Pebrero 27, nadiskubre sa iyang kaubang priso nga nagbitay gamit ang panapton. Gani gisuwayan pa og dala sa JR Borja Hospital apan dead on arrival nga gideklarar sa doktor.
Gituohang depresyon ug problemang pinansyal ang gihambin sa biktima rason nagpakamatay.